کراچی : نشتر پارک کراچی میں شہید رہبر انقلاب آیت اللہ سید علی خامنہ ای ؒ اور ان کے باوفا جانثارشہداء کے چہلم کے سلسلے میں منعقدہ مرکزی اجتماع کی تیاری مکمل کرلی گئی، مرکزی قائدین ملک کے طول وعرض سےکراچی پہنچ گئے،آج بروز اتوار کراچی کی تاریخ کا عظیم الشان اجتماع منعقد ہوگا ، جس میں قومی وملی وحدت ، اتحاد ویکجہتی کا بے مثال مظاہرہ دیکھنے میں آئے گا۔
تفصیلات کے مطابق مجلس وحدت مسلمین پاکستان، امامیہ اسٹوڈنٹس آرگنائزیشن پاکستان، تحریک بیداری امت مصطفیٰ ، امامیہ آرگنائزیشن پاکستان اور ہیئت آئمہ مساجد وعلمائے امامیہ پاکستان کی جانب سے مرکزی چہلم شہید رہبر انقلاب ؒ اور جانثاران شہید رہبر ؒ آج بروز اتوار نشتر پارک کراچی میں 4 بجے شام منعقد ہورہا ہے۔
اس اجتماع کی خاص بات یہ ہے کہ اس اجتماع میں ملک بھرسے مختلف شیعہ تنظیمات کے قائدین خطاب کے لئے تشریف لارہے ہیں، اب تک سربراہ ایم ڈبلیوایم سینیٹر علامہ راجہ ناصرعباس جعفری، سربراہ تحریک بیداری امت مصطفیٰ علامہ سید جواد نقوی، مرکزی صدر آئی ایس او پاکستان امین الحسن شیرازی اور قائد گلگت بلتستان آغا سید راحت حسین الحسینی کراچی پہنچ چکے ہیں۔
یہ بھی پڑھیں : مینار پاکستان پر شہید رہبر ؒ کی یاد میں تعزیتی اجتماع ہوگا اس کا کوئی سیاسی مقصد نہیں ہے، سینیٹر علامہ راجہ ناصرعباس
نشتر پارک کراچی میں منتظمین کی جانب سے تمام تیاریاں مکمل کرلی گئیں ہیں، قد آور اسٹیج تیار کرلیا گیا ہے، پورے جلسہ گاہ کو ساؤنڈ سسٹم اور ہزاروں کرسیوں سے مزین کردیا گیا ہے، اس اجتماع میں شیعہ سنی علمائے کرام، اکابرین اور عوام ہزاروں کی تعدادمیں شرکت کریں گے، یہ اجتماع ملک بھرخصوصاً 13 جون کو مینار پاکستان پر منعقدہ شہید امت کانفرنس کا بہترین پیش خیمہ ثابت ہوگا۔
The post قائدین ملت کراچی پہنچ گئے، نشترپارک میں مرکزی چہلم شہید رہبر ؒ و عاشقان رہبر ؒ کی تیاریاں مکمل appeared first on شیعہ نیوز پاکستان.
