قم میں “آقائے شہید ایران” کے جسد پاک پر مشتقان ولایت کی نمازجنازہ

شیعہ نیوز: مرکز عاشقان ولایت، قم کی مسجد جکمران میں مشتاقان ولایت نے آیت اللہ جوادی آملی کی امامات میں رہبر شہید آیت اللہ العظمی امام سید علی خامنہ ای کے جسد پاک پر نماز جنازہ ادا کی۔

آج بروز منگل 7 جولائی کی صبح 6 بجے قم کی مسجد جمکران میں آیت اللہ جوادی آملی نے شہید رہبر انقلاب اسلامی اور آپ کے کنبے کے شہیدوں کے جسد ہائے پاک پر نماز جنازہ پڑھائی۔

رپورٹوں میں بتایا گیا ہے کہ شہیدوں کی نماز جنازہ میں، حوزہ علمیہ قم کے اساتید، بزرگ علمائے کرام، طلاب دینی اور قم نیز ایران کے دیگر شہروں سے آنے والے دسیوں لاکھ عاشقان ولایت نے شرکت کی۔

یہ  بھی پڑھیں : حشد الشعبی نے رہبر شہید کی تشییع کے لیے مکمل سیکیورٹی انتظامات مکمل کر لیے

عاشقان ولایت اپنے شہید رہبر کی نماز اور تشییع جنازہ میں شرکت کے لئے پیر کی شام سے ہی قم پہنچنا شروع ہوگئے تھے اور پیر کی رات انھوں نے مسجد جمکران اور اس کے اطرف کی سڑکوں پر اپنے شہید رہبر کا سوگ منایا۔

نماز جنازہ کے بعد جلوس جنازہ شروع ہوگیا جس میں عاشقان ولایت نے اسی جوش وجذبے کے ساتھ شرکت کی جس کا مظاہرہ انھوں نے تہران میں شہید رہبر کے جنازے میں کیا تھا۔

جلوس جنازہ میں شرکت کرنے والوں کے ہاتھوں میں ایران کے قومی پرچم کے ساتھ ہی سرخ پرچم بھی تھے جن پر یا لثارات الحسین کا نعرہ درج تھا اور اس طرح جنازے ميں شریک دسیوں لاکھ سوگواروں نے اپنے شہید رہبر کے خون ناحق کا انتقام لینے کے عزم کا اعلان کیا۔

The post قم میں “آقائے شہید ایران” کے جسد پاک پر مشتقان ولایت کی نمازجنازہ appeared first on شیعہ نیوز پاکستان.

​