spot_img

ذات صلة

جمع

ایران کے خلاف نیا سیناریو تیار کرنے کی دشمنوں کی مہم کی بابت انتباہ

 ترجمان وزارت خارجہ نے اسماعیل بقائی نے ایران کے...

ایشیا کے بہترین فٹسال کھلاڑی کا ایوارڈ آستان قدس رضوی کو پیش

ایران کی قومی فٹسال ٹیم کے ارومیہ سے تعلق...

امریکی کانگریس کے وسط مدتی انتخابات کا نتیجہ در اصل ٹرمپ کی شکست ہے

وسط مدتی انتخابات میں ڈیموکریٹ اکثریت میں آگئے ہیں...

سربلندی صرف علم ودانائی سے ممکن ہے: صدرڈاکٹرپزشکیان

صدر ڈاکٹر مسعود پزشکیان نے 2026 کے سائنس کے...

لبنان: اسرائیلی فوجی کے حضرت عیسیٰ ؑ کے مجسمے کو توڑنے پر سوشل میڈیا پر غم و غصہ

شیعہ نیوز: جنوبی لبنان میں ایک اسرائیلی فوجی کی جانب سے حضرت عیسیٰ ؑ کے مجسمے کو ہتھوڑے سے توڑنے کی تصویر وائرل ہونے کے بعد سوشل میڈیا پر شدید ردِعمل سامنے آیا ہے۔

’الجزیرہ‘ کے مطابق مذکورہ تصویر کو سوشل میڈیا پلیٹ فارمز پر 5 ملین سے زائد بار دیکھا جا چکا ہے، یہ مجسمہ لبنان کے سرحدی گاؤں دبل کے قریب نصب تھا۔

عرب میڈیا کے مطابق اسرائیلی فوج نے آج صبح اپنے بیان میں تصویر کی تصدیق کرتے ہوئے کہا ہے کہ یہ ایک فوجی کی تصویر ہے جو جنوبی لبنان میں کارروائی کے دوران موجود تھا۔

اسرائیل فوج کے مطابق واقعے کی تحقیقات شروع کر دی گئی ہیں اور نتائج کی روشنی میں متعلقہ افراد کے خلاف کارروائی کی جائے گی۔

یہ بھی پڑھیں : صانور بستی کی دوبارہ آباد کاری ایک خطرناک اشتعال انگیزی اور الحاق کے منصوبوں کا حصہ ہے، محمود مرداوی

اسرائیلی پارلیمان کے رکن ایمن عودہ نے طنزیہ ردِعمل دیتے ہوئے کہا ہے کہ شاید حکام یہ مؤقف اختیار کریں کہ فوجی کو حضرت عیسیٰ ؑ سے خطرہ محسوس ہوا تھا۔

عرب میڈیا کے مطابق اسرائیلی پارلیمنٹ کے ایک اور رکن احمد طیبی نے کہا ہے کہ جو عناصر مساجد اور گرجا گھروں کو نشانہ بناتے ہیں وہ ایسے اقدامات سے نہیں ہچکچاتے۔

الجزیرہ کی رپورٹ کے مطابق سماجی کارکنان اور ماہرین نے بھی اس واقعے کی مذمت کرتے ہوئے کہا ہے کہ مذہبی مقامات اور علامات پر حملوں پر عالمی خاموشی تشویش ناک ہے۔

بین الاقوامی میڈیا کی رپورٹس کے مطابق گزشتہ عرصے میں مذہبی مقامات پر حملوں کے متعدد واقعات پیش آئے ہیں جن میں مساجد اور گرجا گھر شامل ہیں جبکہ اسرائیلی فوج کی جانب سے بعض علاقوں میں مذہبی شخصیات اور علامات کو بھی نشانہ بنایا گیا ہے۔

The post لبنان: اسرائیلی فوجی کے حضرت عیسیٰ ؑ کے مجسمے کو توڑنے پر سوشل میڈیا پر غم و غصہ appeared first on شیعہ نیوز پاکستان.

​ 

spot_imgspot_img