شیعہ نیوز: لبنان میں حزب اللہ کے سیکرٹری جنرل شیح نعیم قاسم نے اس بات پر زور دیا ہے کہ ملک میں جو کچھ ہو رہا ہے وہ اس امریکی و اسرائیلی جارحیت کے مقابلے میں آئینی اور قانونی دفاع کی ایک جنگ ہے ۔
شیح نعیم قاسم نے اپنے ایک بیان میں وضاحت کی کہ لبنان گذشتہ تقریباً 15 ماہ سے مسلسل جارحیت کا سامنا کر رہا ہے اور موجودہ محاذ آرائی اسرائیلی جارحیت کے خلاف لبنان میں مزاحمت کی جنگ کی نمائندگی کرتی ہے۔
یہ بھی پڑھیں : سعودی اڈے پر ایرانی میزائل حملے میں امریکی فضائیہ کے 5 طیارے تباہ
انہوں نے اس جانب اشارہ کیا کہ اسرائیل اپنے فوجی آپریشنز کے ذریعے اہداف حاصل کرنے کی صلاحیت نہیں رکھتا اور لبنان میں مزاحمت نے خود کو طویل جنگ کے لیے تیار کر رکھا ہے جو میدانِ عمل میں اسرائیل کو حیران کر سکتی ہے۔
شیح نعیم قاسم نے سفارتی راستے پر کڑی تنقید کرتے ہوئے کہا کہ لبنان میں سفارتی تحرک اسرائیلی حملوں کو روکنے میں بری طرح ناکام ہو چکا ہے۔
انہوں نے اس بات پر سختی سے زور دیا کہ سیاسی حل اس قتل و غارت اور جبری بے دخلی و تباہی کو روکنے میں ناکام رہے ہیں، جبکہ انہوں نے واضح کیا کہ جاری مقابلہ کسی بیرونی فریق کی خدمت کے لیے نہیں بلکہ لبنان اور اس کی خودمختاری کے دفاع کے فریم ورک کے تحت ہے۔
The post لبنان میں جو کچھ ہو رہا ہے وہ امریکی و اسرائیلی جارحیت کے خلاف آئینی دفاع کی جنگ ہے، شیح نعیم قاسم appeared first on شیعہ نیوز پاکستان.
