شیعہ نیوز: حکومت کے تعاون سے شروع کیے گئے ایک شہری بحالی کے منصوبے سے وابستہ سابق کمیونٹی کونسلر کو ایک کم عمر لڑکے کے ساتھ ماضی میں کیے گئے جنسی جرائم پر 17 سال قید کی سزا سنا دی گئی۔
57 سالہ زمرد خان، جو بریڈفورڈ کے علاقے لٹل ہارٹن میں سینٹ لیوک کلوز کے رہائشی ہیں، کو جنسی نوعیت کے دو سنگین جرائم اور ایک بچے کے ساتھ فحش حرکات کے جرم میں مجرم قرار دیا گیا۔
یہ جرائم 1970 اور 1980 کی دہائیوں میں پیش آئے تھے۔
یہ بھی پڑھیں : نیتن یاہو کی تقریر نے اسرائیل کی تنہائی کی گہرائی کو ظاہر کردیا، صہیونی میڈیا کا انکشاف
بریڈفورڈ کراؤن کورٹ کو بتایا گیا کہ بریڈفورڈ ٹرائیڈنٹ شہری بحالی منصوبے کے سابق کمیونٹی کونسلر زمرد خان نے متاثرہ بچے کو اس وقت جنسی زیادتی کا نشانہ بنانا شروع کیا جب اس کی عمر تقریباً 10 یا 11 سال تھی۔
زمرد خان نے خود کو ایک مذہبی استاد کے طور پر پیش کیا تھا اور بچے کے والدین سے پوچھا تھا کہ کیا وہ ان کے بیٹے کو مسجد لے جا سکتے ہیں۔
سزا سناتے ہوئے جج سوفی ڈریک نے کہا کہ خان نے پہلے بچے کو اپنے جال میں پھنسایا اور اس کے بعد زیادہ سنگین جرائم کا ارتکاب کیا۔ یہ زیادتیاں تنہائی اور ویرانی والے مقامات پر کی گئیں۔
جج نے کہا کہ خان نے کئی سال تک اپنے جرائم کو چھپائے رکھا اور ان کے اقدامات نے متاثرہ بچے کو دیرپا نقصان پہنچایا۔
جج ڈریک نے کہا کہ ”یہ واضح ہے کہ آپ کی جانب سے اس بچے کے ساتھ کی جانے والی زیادتیوں نے اس کی زندگی پر انتہائی منفی اثرات مرتب کیے ہیں۔“
”اسے محسوس ہوتا ہے کہ اس کے لڑکپن کے قیمتی سال اس سے چھین لیے گئے۔“
زمرد خان کو 17 سال قید کی سزا سنائی گئی، جس کے علاوہ انہیں ایک سال لائسنس پر بھی گزارنا ہوگا۔
The post لندن، سابق کمیونٹی کونسلر اور مذہبی استاد کو بچے کے ساتھ جنسی زیادتی کے جرائم میں 17 سال قید کی سزا appeared first on شیعہ نیوز پاکستان.
