لندن میں صیہونیت مخالف احتجاج، غزہ میں تین سالہ قتلِ عام کے خلاف مظاہرہ

شیعہ نیوز: غزہ پر صیہونی حکومت کی تباہ کن جنگ کی تیسری برسی کے موقع پر، فلسطین کے ہزاروں حامی وسطی لندن کی سڑکوں پر نکل آئے اور برطانوی دارالحکومت کو فلسطینیوں کے قتلِ عام اور تل ابیب کے لیے مغربی حمایت کے خلاف شدید احتجاج کا مرکز بنا دیا۔

رپورٹ کے مطابق اسرائیل کے ہاتھوں فلسطینیوں کے قتل عام کی تیسری برسی کے موقع پر ہونے والےاس احتجاج میں زندگی کے تمام شعبوں سے تعلق رکھنے والے افراد، سول سوسائٹی کے کارکنان، فلسطین کی حمایت کرنے والے گروہ اور ٹریڈ یونین کے اراکین شامل تھے۔

یہ بھی پڑھیں : امریکہ میں ہمارا سامنا کچھ جاہل اور احمق لوگوں سے ہے، جنرل محسن رضائی

مظاہرین پہلے دریائے ٹیمز کے کنارے ‘وکٹوریہ ایمبینکمنٹ’ پر جمع ہوئے جہاں سے انہوں نے ‘وائٹ ہال’ اور برطانوی وزیراعظم کے دفتر کی جانب مارچ کیا۔

مظاہرین نے اپنے ہاتھوں میں فلسطین، ایران اور لبنان کے پرچم اٹھا رکھے تھے اور وہ غزہ اور لبنان پر صیہونی حکومت کے حملوں کے ساتھ ساتھ ایران کے خلاف امریکہ اور صیہونیت کی جارحیت کی مذمت میں نعرے لگا رہے تھے۔

مظاہرین نے اپنے ہاتھوں میں ایسے پلے کارڈ بھی اٹھا رکھتے تھے جن پر “فلسطین کو آزاد کرو”، “اسرائیل کو اسلحہ کی فروخت بند کرو”، “غزہ کو تنہا نہ چھوڑو” اور “اسرائیل پر پابندیاں لگاؤ” جیسے نعرے درج تھے۔

مظاہرین نے برطانیہ کی جانب سے اسرائیل کو اسلحے کی ترسیل فوری اور غیر مشروط طور پر بند کرنے کا بھی مطالبہ کیا۔

The post لندن میں صیہونیت مخالف احتجاج، غزہ میں تین سالہ قتلِ عام کے خلاف مظاہرہ appeared first on شیعہ نیوز پاکستان.

​