شیعہ نیوز: سینیٹ میں اپوزیشن لیڈر اور چیئرمین مجلس وحدت مسلمین پاکستان علامہ راجہ ناصر عباس جعفری نے کہا ہے کہ کبھی بھی ملک میں اخراجات کو کم کرنے اور آمدنی کو بڑھانے کی کوشش نہیں کی گئی۔
تفصیلات کے مطابق بجٹ اجلاس سے خطاب کرتے ہوئےعلامہ راجہ ناصرعباس کا کہنا تھا کہ اگر کسی گھر کے اخراجات آمدنی سے زیادہ ہو جائیں تو وہ گھر الٹی میٹلی قرضوں کے بوجھ تلے دب جاتا ہے، پھر وہ گھر اپنے اثاثے بیچنے شروع کر دیتا ہے۔ انہوں نے کہا کہ پاکستان کی آمدنی بھی اخراجات سے کم ہے اور کبھی اسکے اخراجات کو کم کرنے اور آمدنی کو بڑھانے کی کوشش نہیں کی گئی۔ اس وقت پاکستان کی عوام غربت کی چکی میں پس رہی ہے۔ اور حکومت کہتی ہے روزانہ 280 روپے کمانے والا غریب نہیں ہے۔
انہوں نے کہا کہ کہتے ہیں ریاست ماں ہوتی ہے لیکن اب یہ ماں نہیں رہی یہ اپنے بچوں کا خون چوس رہی ہے۔ یوتھ میں اس وقت بے روز گاری 30 فیصد ہے لیکن اصل میں یہ معاملہ 60 فیصد ہے۔ جس ملک میں غربت بڑھ رہی ہو لوگ پڑھے لکھے نا ہوں یہ کیسا ملک بن رہا ہے۔ یہ تمام نشانیاں ایک بیمار حکومت کی ہیں، یہ حکومت بے شعور ہے۔ ایسے لگتا حکومت جان بوجھ کر عوام کو جاہل رکھنا چاہتی ہے۔
یہ بھی پڑھیں : لبیک یا حسینؑ کے اس نعرے نے امریکی دجالوں اور صہیونی طاقتوں و سازشوں پہ مرگی کا عالم برپا کر دیا ہے ،خواجہ سعد رفیق
انہوں نے مزید کہا کہ وہ کون سی شخصیت ہے جس نے 280 روپےوالے گھرانے کو غربت سے باہر دیکھا ہے، حکمران حقائق کو اپنی آنکھوں سے دیکھنے کو تیار نہیں ہے۔ اب ہر روز غریبوں میں اضافہ ہو رہا ہے غریب انسان اپنا علاج بھی نہیں کروا سکتا۔ انہوں نے کہا کہ بعض علاقوں میں جائے تو پتا چلتا ہے 70 سال پہلے بھی جو پرائمری سکول تھا آج بھی وہ پرائمری ہی ہے۔ ہم نے پڑھے لکھے انسان کا معیار یہ رکھا ہے جو اپنا نام لکھ سکے، یہ خود اپنے آپ کو دھوکا دے رہے ہیں۔
ان کا مزید کہنا تھا کہ عمران خان سمیت دیگر سیاسی مخالفین کو جیل میں رکھ کر بھی آپ کی حکومت نہیں چل پارہی، نہ ہی معیشت ٹھیک ہوئی ، نہ ہی فارن انویسٹمنٹ آئی، نہ ہی سکیورٹی چیلنجز کم ہوئے نہ ہی غربت اور مہنگائی میں کمی ہوئی، جیلوں کو سیاسی قیدیوں سے بھرنے سے قومی خزانہ نہیں بھر سکتا، لگاتار 5 بجٹ پیش کرنے والی شہباز حکومت کا ہر بجٹ عوام کیلئے قاتل بجٹ ثابت ہوا ہے ۔ وقت نے ثابت کردیا ہےکہ آپ کا ہر منصوبہ ناکام ہوا ہے۔
The post لگاتار 5 بجٹ پیش کرنے والی شہباز حکومت کا ہر بجٹ عوام کیلئے قاتل بجٹ ثابت ہوا ہے،سینیٹرعلامہ راجہ ناصرعباس appeared first on شیعہ نیوز پاکستان.
