شیعہ نیوز: لیبیا میں تارکینِ وطن کی کشتی کےحادثے میں ملوث باپ بیٹے کو عدالت نے مجموعی طور پر 44 سال قید کی سزا سنا دی۔ فیصلہ ایف آئی اے کی خصوصی عدالت کے جج نے سنایا، ملزمان کو 22، 22 سال قید اور 14، 14 لاکھ روپے جرمانے کی سزا سنائی گئی ہے۔
پراسیکیوشن کی جانب سے عدالت میں کہا گیا کہ انسانی اسمگلرز نے دو بھائیوں کو اٹلی بھجوانے کے عوض 62 لاکھ روپے لیے، دونوں بھائی کشتی الٹنے سے جاں بحق ہو گئے تھے۔ کشتی حادثہ جون 2023ء میں پیش آیا تھا جس کے بعد ورثاء نے تھانہ ایف آئی اے گوجرانوالہ میں مقدمہ درج کروایا تھا۔
یہ بھی پڑھیں : ٹرمپ کی ذہنی حالت پر نئے سوالات، صرف تین گھنٹوں میں 50 سے زائد پوسٹس
واضح رہے کہ لیبیا میں 5 فروری 2023ء کو تارکینِ وطن کی کشتی کو حادثہ پیش آیا تھا جس کے نتیجے میں 16 پاکستانیوں کی موت واقع ہوئی تھی۔
The post لیبیا تارکینِ وطن کی کشتی حادثہ میں ملوث باپ بیٹے کو 22، 22 سال قید کی سزا appeared first on شیعہ نیوز پاکستان.
