شیعہ نیوز: متنازع پاکستانی یوٹیوبر معاز صفدر کو یوم عاشورہ سے متعلق اپنے ایک بیان کے بعد سوشل میڈیا پر شدید تنقید کا سامنا کرنا پڑ رہا ہے۔
سوشل میڈیا پر وائرل ہونے والی ایک ویڈیو کلپ میں معاز صفدر کے ریمارکس پر متعدد صارفین نے سخت ردعمل کا اظہار کیا۔ ناقدین کا کہنا ہے کہ یوٹیوبر کے الفاظ مذہبی جذبات کو مجروح کرنے اور حساس مذہبی معاملات سے متعلق غیر محتاط رویے کی عکاسی کرتے ہیں۔
سوشل میڈیا صارفین نے مختلف پلیٹ فارمز پر معاز صفدر کے بیان کی مذمت کرتے ہوئے انہیں اپنے الفاظ پر معافی مانگنے کا مطالبہ بھی کیا۔ کئی صارفین نے اس معاملے کو مذہبی ہم آہنگی کے لیے نقصان دہ قرار دیا۔ بیرسٹر عامر خوصہ نے معاز صفدر کے خلاف ایف آئی آر درج کرا دی ہے۔
یہ بھی پڑھیں : مختلف شہروں میں کم عمر بچوں سے مبینہ زیادتی کے مقدمات، مذہبی تعلیمی اداروں میں بچوں کے تحفظ پر سوالات
درخواست میں مؤقف اختیار کیا گیا ہے کہ یوٹیوبر کے ریمارکس سے مذہبی جذبات کو ٹھیس پہنچی ہے، لہٰذا ان کے خلاف قانون کے مطابق کارروائی کی جائے۔
دوسری جانب معاز صفدر نے متنازع بیان پر وضاحت پیش کرتے ہوئے معافی مانگ لی ہے۔ ان کا کہنا تھا کہ کسی کے مذہبی جذبات کو ٹھیس پہنچانے کا کوئی ارادہ نہیں تھا۔
انہوں نے کہا کہ اگر میری باتوں سے کسی کی دل آزاری ہوئی ہے تو وہ اس پر معافی کے طلب گار ہیں۔
The post متنازع یوٹیوبر معاذ صفدر ’یوم عاشور‘ پر دیے گئے متنازع بیان پر تنقید کی زد میں، مقدمہ درج appeared first on شیعہ نیوز پاکستان.
