حوزہ/ مجتمع علماء و خطباء ممبئی نے حضرت آیت اللہ العظمیٰ سید موسیٰ شبیری زنجانیؒ کے ارتحال پر گہرے رنج و الم کا اظہار کرتے ہوئے عالمِ تشیع، حوزہ ہائے علمیہ، مراجع و علماء، طلاب و فضلاء اور محبانِ اہل بیتؑ کی خدمت میں تعزیت و تسلیت پیش کی ہے۔ تعزیتی پیغام میں مرحوم مرجعِ تقلید کی علمی، فقہی، حدیثی، رجالی اور تربیتی خدمات کو خراجِ تحسین پیش کرتے ہوئے ان کے انتقال کو ایک عظیم علمی و دینی خسارہ قرار دیا گیا ہے۔
