شیعہ نیوز: ایران کے صدر پزشکیان کا موجودہ صورتِ حال کے دوران بڑا بیان سامنے آ گیا۔
اپنے ایک بیان میں ایرانی صدر مسعود پزشکیان نے کہا ہے کہ ایران جنگ نہیں چاہتا، مذاکرات کے لیے ہمیشہ تیار ہے۔
ایرانی صدر نے ساتھ ہی یہ بھی واضح کیا ہے کہ دشمن کی مرضی مسلط کرنے یا سرینڈر پر مجبور کرنے کی کوئی بھی کوشش ناکام ہو گی۔
یہ بھی پڑھیں : اسرائیل: ایران کیلئے جاسوسی کا الزام، خاتون زیرِ حراست
دوسری جانب ایرانی صدر پزشکیان نے کہا ہے کہ اہم تاریخی موڑ پر تہذیبوں کی اصل روح سامنے آتی ہے۔ کئی ممالک نے صہیونی ریاست کی جنگ پسندی کی مخالفت کی۔
ایک بیان میں ایرانی صدر نے کہا کہ اسپین، چین، روس، ترکیہ، اٹلی اور مصر کا جرائم کے خلاف مؤقف قابل ستائش ہے۔
مسعود پزشکیان نے مزید کہا کہ یہ موقف ان ممالک کی گہری ثقافتی اور تاریخی جڑوں سے جڑا ہے۔
یاد رہے کہ گزشتہ روز امریکی صدر ٹرمپ کی جانب سے جاری بیان میں کہا گیا تھا کہ ایران کے ساتھ جنگ ختم ہونے کے قریب ہے۔
The post مذاکرات کیلئے ہمیشہ تیار، مرضی مسلط کرنے کی کوشش ناکام ہو گی، صدر پزشکیان appeared first on شیعہ نیوز پاکستان.
