شیعہ نیوز: ملائیشیا کے وزیر اعظم نے مسئلہ فلسطین کے حوالے سے امریکہ کی دوغلی پالیسیوں پر تنقید کرتے ہوئے واشنگٹن سے مطالبہ کیا ہے کہ وہ غزہ میں انسانی بحران کے خاتمے کے لیے منصفانہ اور پائیدار رویہ اپنائے۔
رپورٹ کے مطابق تھائی لینڈ اور کمبوڈیا کے درمیان امن معاہدے پر دستخط کی تقریب کے موقع پر، جس میں صدر ٹرمپ بھی موجود تھے، ملائیشیا کے وزیراعظم انور ابراہیم نے کہا کہ عالمی برادری کو توقع ہے کہ امریکہ اپنی ساری توجہ جامع اور پائیدار امن کے حصول پر مرکوز رکھے گا۔
ٹرمپ کو مخاطب کرتے ہوئے، انہوں نے مزید کہا کہ “مجھے آپ سے یہ سن کر بہت خوشی ہوئی کہ آپ مشکل ترین علاقوں میں امن کے حصول کے لیے کتنے پرعزم ہیں، جو تقریباً ناممکن ہے، لیکن آپ نے یہ کر دکھایا۔
یہ بھی پڑھیں : جنوبی شام میں اسرائیلی فوج کی نئی نقل و حرکت، القنیطرہ میں چوکیاں قائم
اپنی بات جاری رکھتے ہوئے، ملائیشیا کے وزیراعظم انور ابراہیم نے ٹرمپ سے پرزور مطالبہ کیا کہ وہ غزہ سمیت دنیا بھر کے تنازعات سے متاثرہ علاقوں میں امن کی کوششوں کو آگے بڑھانے کے اپنے عزم پر قائم رہیں۔
یہ بیان ایسے وقت سامنے آیا ہے جب صیہونی حکومت نے مختلف بہانوں سے غزہ میں بارہا جنگ بندی کی خلاف ورزی کی ہے اور ملائیشیا کے وزیر اعظم نے جنوب مشرقی ایشیائی ممالک کی تنظیم (آسیان) کے سربراہ کی حیثیت سے تل ابیب حکومت کی جانب سے جنگ بندی کی خلاف ورزی پر تنقید کی ہے۔
واضح رہے کہ آسیان کے رکن ملکوں کا سربراہی اجلاس آج سے سے شروع ہوگیا ہے جس میں امریکی صدر ڈونلڈ ٹرمپ بھی شریک ہیں۔
The post مسئلہ فلسطین کے حوالے سے ملائیشیا کی امریکہ کی دوہری پالیسیوں پر تنقید appeared first on شیعہ نیوز پاکستان.
