شیعہ نیوز: ایرانی قوم اورشہید آیت اللہ سید علی خامنہ ای کو خراج تحسین پیش کرنے کے لیے ڈسٹرکٹ بار ایسوسی ایشن مظفرگڑھ، متحدہ علما مشائخ امن کونسل پاکستان اور ہفت روزہ میڈیا کورٹ مظفرگڑھ کے زیراہتمام تقریب چہلم اور تشکر پاکستان و یکجہتی ایران کانفرنس کا انعقاد ڈسٹرکٹ بار مظفرگڑھ میں کیا گیا۔ جس میں مذہبی و سیاسی جماعتوں، وکلا، صحافی، تاجران اور سول سوسائٹی کے نمائندگان نے شرکت کی۔
تقریب کی صدارت انچارج خانہ فرہنگ اسلامی جمہوریہ ایران ملتان سیدہ خانم زاہدہ بخاری نے کی۔ تقریب کا آغاز قاری ظفر کوثر چشتی نے تلاوت قرآن پاک سے کیا، معروف نعت خواں غلام اصغر غازی نے نعت رسول مقبول کا نذرانہ پیش کیا، جمعیت علمائے پاکستان کے صوبائی رہنما غوث بخش فریدی نے ایران کے عظیم مجاہدین کو نذرانہ عقیدت کے پھول نچھاور کئے، ملک مظہر حسین پہوڑ ایڈووکیٹ ضلعی صدر پاکستان پیپلزپارٹی مظفرگڑھ، سید عمران عباس کاظمی ایڈووکیٹ صدر جسٹس فرنٹ لائنز فرم مظفرگڑھ، علامہ مولانا اعجاز حسین شاکری پرنسپل جامعہ العلوم المفید تلیری مظفرگڑھ، سید شفقت حسین کاظمی ضلعی صدر مجلس وحدت مسلمین مظفرگڑھ، مفتی محمد شفیع مرکزی رہنما جمعیت علمائے پاکستان نے شرکت اور خطاب کیا۔
یہ بھی پڑھیں : معرکہ حق کی پہلی سالگرہ، جامعہ عروۃ الوثقیٰ کے طلاب کا واہگہ بارڈ کا دورہ،پاک فوج سے اظہاریکجہتی
اس موقع پر رضوان الحق قریشی صوبائی صدر ریجنل جرنلسٹ جنوبی پنجاب، سید افتخار علی رضوی رہنما ایم کیو ایم مظفرگڑھ، پادری عرفان کنول میری سینٹ چرچ آف پاکستان مظفرگڑھ، طارق شریف گولڑوی ممبر ڈسٹرکٹ امن کمیٹی مظفرگڑھ۔، امتیاز احمد خان سرانی ایڈووکیٹ جنرل سیکرٹری ڈسٹرکٹ بار ایسوسی ایشن مظفرگڑھ، سید اختر حسین بخاری ممبر ڈسٹرکٹ امن کمیٹی مظفرگڑھ، محمد افتخار قریشی ایڈووکیٹ صوبائی سینئر نائب صدر پاکستان عوامی تحریک جنوبی پنجاب، ملک سعید احمد گسورا ایڈووکیٹ صدر ڈسٹرکٹ بار ایسوسی ایشن مظفرگڑھ، تقریب کے آرگنائزر سید اظہر حیدر بخاری ایڈووکیٹ سپریم کورٹ چیف ایڈیٹر میڈیا کورٹ مظفرگڑھ، صاحبزادہ محمد اکمل مہاروی چشتی مرکزی کنوینر متحدہ علما مشائخ امن کونسل پاکستان، ممبر ڈویزنل امن کمیٹی ڈیرہ غازی خان اور آرگنائزر تقریب پیر سید غلام علی بخاری سمیت دیگر نے شرکت کی۔ پیر سید الطاف حسین گیلانی مرکزی ڈپٹی جنرل سیکرٹری جمعیت علمائے پاکستان نے ایرانی قوم اور آیت اللہ العظمی سید علی خامنہ ای اور شہدا کے درجات بلندی کے لیے دعا کرائی۔
The post مظفرگڑھ،شہید آیت اللہ خامنہ ایؒ کو علماء، وکلاء، دانشوروں ، سیاستدانوں اور صحافیوں کا خراج تحسین appeared first on شیعہ نیوز پاکستان.
