شیعہ نیوز: جعفریہ الائنس پاکستان کے صدر علامہ سید شہنشاہ حسین نقوی کا کہنا ہے کہ بنیان مرصوص معرکہ حق کو ایک سال مکمل ہونے پر پوری پاکستانی قوم سمیت امت مسلمہ کو مبارک بعد پیش کرتے ہیں، کیونکہ اس معرکہ میں پاکستانی سیکورٹی قیادت نے ناصرف بھارت بلکہ امت مسلمہ کے ازلی دشمن صہیونی اسرائیل کو بھی شکست دی تھی، اس معرکہ میں بھارتی اسرائیلی گٹھ جوڑ کسی سے ڈھکا چھپا نہیں تھا، ان خیالات کا اظہار انہوں نے کراچی میں جعفریہ الائنس پاکستان کے مرکزی کابینہ اجلاس کے دوران خطاب کرتے ہوئے کیا۔
یہ بھی پڑھیں : اتحاد امت فورم پاکستان کا اہم اجلاس، مینار پاکستان پر شہید امت کانفرنس کی تیاریاں جاری
علامہ سید شہنشاہ حسین نقوی نے کہا کہ معرکہ حق میں پاکستان نے اپنی بھرپور دفائی صلاحیتوں کا اظہار کیا، جو قابل تحسین اور باعث فخر ہے۔ انہوں نے کہا کہ آج دنیا کے موجودہ حالات میں پاکستان کی جانب سے ایران پر صہیونی امریکی مسلط کردہ جنگ میں بہترین ثالثی کے کردار نے پاکستان کی ریاست کی صلاحیتوں کا لوہا منوایا ہے۔ کابینہ اجلاس میں طے پایا کہ محرم الحرام سے قبل انتظامی معمالات کو بہتر بنانے کیلئے عظیم الشان اہتمام ِمحرم کانفرنس کا انعقاد کیا جائے گا۔
The post معرکہ حق میں پاکستان نے بھارتی اسرائیلی گٹھ جوڑ کو شکست سے دوچار کیا، علامہ شہنشاہ حسین نقوی appeared first on شیعہ نیوز پاکستان.
