شیعہ نیوز: اقوام متحدہ نے مغربی کنارے پر غاصبانہ قبضے کے دائرے کو وسعت دینے کے صیہونی حکومت کے نئے غیر قانونی اقدامات کی مذمت کی ہے۔
رپورٹ کے مطابق اقوام متحدہ کے سکریٹری جنرل کے ترجمان اسٹیفن دوجاریک نے اس بات پر زور دیا ہے کہ مغربی کنارے کے خلاف صیہونی حکومت کی کابینہ کی نئی قرارداد ، فلسطینیوں کی املاک کے ضبط کئے جانے اور اس علاقے میں قبضے کا دائرہ وسیع ہونے کا باعث بن سکتی ہے۔
یہ بھی پڑھیں : ایران کے ساتھ بات چیت بعض معاملات میں اچھی رہی، ڈی جے وینس
انہوں نے مزید کہا کہ اس طرح کے اقدامات نہ صرف عدم استحکام کا باعث بلکہ غیرقانونی بھی ہیں۔
ان کا کہنا تھا کہ انتونیو گوتریش نے تل ابیب سے مطالبہ کیا ہے کہ وہ اپنے اس منصوبے سے فوری طور پر دستبردار ہو جائے۔
اقوام متحدہ کے سیکرٹری جنرل کا ماننا ہے کہ مشرقی بیت المقدس سمیت مغربی کنارے میں تمام بستیوں کی تعمیر غیرقانونی اور بین الاقوامی قوانین کی صریح خلاف ورزی ہے۔
واضح رہے کہ صیہونی حکومت ایک نئے منصوبے کی منظوری دے کر مغربی کنارے کی زمینوں کو نگلنے اور ان زمینوں کو دستاویزی شکل دینے کے درپے ہے۔
The post مغربی کنارے پر صیہونی حکومت کے نئے غیر قانونی اقدامات کی اقوام متحدہ کی جانب سے مذمت appeared first on شیعہ نیوز پاکستان.
