شیعہ نیوز: حرکت نجباء کے سیکرٹری جنرل نے عراق اور ایران کے درمیان پروازوں پر عائد پابندیاں ختم کرنے کا مطالبہ کرتے ہوئے کہا ہے کہ مسئلہ حل نہ ہوا تو وہ عراقی عوام کو ہوائی اڈوں پر دھرنا دینے کی دعوت دیں گے۔
رپورٹ کے مطابق، عراق کی مقاومتی تنظیم تحریک نجباء کے سیکرٹری جنرل اکرم الکعبی نے کہا ہے کہ اگر ایران سے عراق کے لیے پروازوں کی معطلی کا مسئلہ حل نہ کیا گیا تو عراقی ہوائی اڈوں پر اس فیصلے کو منسوخ کرنے کے مطالبے کے لیے دھرنے دیے جائیں گے۔
انہوں نے کہا کہ عراق کی خودمختاری اور اس ملک پر امریکہ کے تسلط کے حوالے سے دوہرا معیار قبول نہیں کیا جائے گا۔ الکعبی نے عراق کی سیاسی جماعتوں کے مؤقف اور ایک مسلمان قوم کے محاصرے کے سامنے تسلیم ہوجانے کو افسوسناک قرار دیا۔
یہ بھی پڑھیں : صنعاء سے نجف تک مزاحمت کا محاذ ایک ہے، مشیر رہبر انقلاب
اس سے قبل عراق کے سابق وزیراعظم عادل عبدالمہدی نے بھی کہا تھا کہ ایرانی پروازوں کے لیے عراقی ہوائی اڈے بند کرنا ایک بڑی غلطی اور قومی خودمختاری سے پسپائی ہے۔
انہوں نے کہا کہ ہمسایہ، اتحادی اور دوست ملک کے لیے عراقی ہوائی اڈے بند کرنا ایک بڑی غلطی، قومی خودمختاری سے پسپائی اور قومی مفادات و مستقبل کو قربان کرنے کے مترادف ہے۔
عبدالمہدی نے مزید کہا کہ غلط فیصلے پر اصرار کرنے کے بجائے اس پر نظرثانی کرنا زیادہ بہتر ہے۔
The post مقاومتی رہنما کی عراقی ہوائی اڈوں پر دھرنے کی دھمکی، ایران کے لیے پروازیں بحال کرنے کا مطالبہ appeared first on شیعہ نیوز پاکستان.
