شیعہ نیوز: ملک میں دہشت گردی کے حالیہ واقعات کے بعد پاکستان نے افغان صوبے پکتیا، پکتیکا اور کنڑ میں کارروائی کرتے ہوئے 25 دہشتگرد ہلاک کر دیے۔
وفاقی وزیر اطلاعات عطاتارڑ نے ایکس پر بیان جاری کرتے ہوئے بتایا ہے کہ سرحدی علاقے میں جماعت الاحرار اور فتنتہ الخوارج کی کمین گاہوں پر کارروائیاں کی گئیں۔
عطاتارڑ نے بتایا کہ سکیورٹی فورسز نے پاک افغان سرحد پر انٹیلی جینس آپریشن کرتے ہوئے مجموعی طور پر فتنتہ الخوارج کے 29 کارندے ہلاک کر دیے۔
وفاقی وزیر اطلاعات عطاتارڑ نے کہا کہ 28جون کو سکیورٹی فورسز نے باجوڑ میں آپریشن کیا ،آپریشن میں خارجی کمانڈر خان فروش عرف زابل 3 دہشت گردوں سمیت ہلاک ہوگیا۔
عطا تارڑ نے بتایا کہ ہلاک دہشت گردوں کا تعلق بھارتی پراکسی جماعت الاحرار سے تھا۔
یہ بھی پڑھیں : محرم الحرام میں سبیل لگانا حرام لیکن مسجد مدرسے میں بچوں کیساتھ جنسی زیادتی جائز؟ایک اور حفظ قرآن کا طالب علم شکاربن گیا
وفاقی وزیر اطلاعات عطاتارڑ کے مطابق افغان صوبے پکتیا، پکتیکا اور کنڑ میں بھی کارروائی کی گئی جس میں 25 دہشت گرد مارے گئے، دہشت گردوں کے مراکز میں ذخیرہ کیاگیا بھاری تعداد میں اسلحہ و گولہ بارود بھی تباہ ہوگیا۔
عطاتارڑ نے کہا کہ آپریشن عزم استحکام کے تحت دہشت گردوں اور فتنۃ الخوارج کے خلاف پاکستانی سکیورٹی فورسز کے آپریشن جاری ہیں۔
انہوں نے کہا کہ آپریشن تب تک جاری رہیں گے جب تک غیرملکی پیسےاور حمایت سے پاکستان میں دہشت گردی کی وارداتیں بند نہیں ہو جاتیں۔
The post ملک میں دہشتگردی کے واقعات کے بعد پاکستان کی افغانستان میں خارجیوں نے خلاف کارروائی، 25 دہشتگرد جہنم واصل appeared first on شیعہ نیوز پاکستان.
