شیعہ نیوز: اصفہان کے میزائل کے مراکز کی اطلاعات موساد کو دینے والے جاسوس اور خیانتکار کو سزائے موت دے دی گئی۔
رپورٹ کے مطابق ایران میں موساد کے ایک جاسوس اور ایجنٹ کو آج سزائے موت دے دی گئی
موساد کے اس جاسوس کا نام حسین پدران تھا۔ اس نے اصفہان کے اہم اور حساس فوجی مراکز کی اطلاعات غاصب صیہونی حکومت کے تخریب کار جاسوسی ادارے موساد تک پہنچائی تھیں۔
یہ بھی پڑھیں : دشمن کی کسی بھی غلطی کا طاقت سے جواب دینے کیلئے 100 فیصد تیار ہیں، کمانڈر محمد کرمی
ملک کے خلاف جاسوسی اور خیانت کے جرم پر گرفتاری کے بعد اس پر مقدمہ چلایا گیا اور عدالت نے اس کا جرم ثابت ہوجانے پر سزائے موت کا حکم جاری کیا تھا۔
اس حکم کی سپریم کورٹ کی جانب سے توثیق کے بعد اس کو پھانسی دے دی گئی ۔
یاد رہے کہ ایران کے خلاف امریکہ اور صیہونی حکومت کی مسلط کردہ 12 روزہ اور اس کے بعد جنگ رمضان میں امریکی اور صیہونی دشمن نے ایران کے بعض اہم فوجی مراکز پر حملے کئے تھے۔
حسین پدران، ملک سے خیانت کرنے والے ان چند افراد میں شامل تھا جنھوں نے امریکا اور صیہونی حکومت کے لئے جاسوسی اور اپنے ملک سے خیانت کا ارتکاب کیا۔
حسین پدران نے عدالتی کارروائی کے دوران پیسے لے کر جاسوسی اور حساس فوجی مراکز کی اطلاعات موساد تک پہنچانے کا اعتراف کیا تھا۔
The post موساد کو اصفہان کے میزائل مراکز کی معلومات فراہم کرنے والے شخص کو پھانسی appeared first on شیعہ نیوز پاکستان.
