شیعہ نیوز: ایرانی وزیر خارجہ سید عباس عراقچی نے میڈیا، میدان اور سفارت کاری کو ملی طاقت کے تین ستون بتائے اور کہا کہ میڈيا کی صحیح روایت ملکوں کو کامیابی سے ہمکنار کرسکتی ہے۔
رپورٹ کے مطابق ایرانی وزیر خارجہ سید عباس عراقچی نے جمعرت کو ہمدان میں ابلاغیاتی ذرائع اور اخبارات و جرائد کے فیسٹیول کی اختتامی تقریب سے خطاب ميں خارجہ پالیسی اور قومی سلامتی میں میڈیا کے کردار کو بنیادی اہمیت کا قرار دیا۔
یہ بھی پڑھیں : امریکہ کا بن سلمان کو اسرائیل سے تعلقات کی طرف دھکیلنے کا حربہ
انھوں نے کہا کہ میڈیا، میدان اور سفارت کاری قومی طاقت و توانائی کے تین بنیادی ستون ہیں اور اگر ان میں سے کسی بھی ستون کی کارکردگی کمزور ہو تو دو دیگر ستونوں کی کوششیں بے نتیجہ رہیں گی۔
ایرانی وزیر خارجہ سید عباس عراقچی نے کہا کہ میڈیا کی اہمیت کو وزارت خارجہ دیگر اداروں سے زیادہ سمجھتی ہے ۔
ان کا کہنا تھا کہ ملک کے موقف اور استدلال میڈیا کے ذریعے ہی عوام تک منتقل ہوتے ہیں۔
انھوں نے کہا کہ یہ میڈيا ہے جو شکست کو کامیابی اور کامیابی کو شکست میں تبدیل کرسکتا ہے۔
The post میڈیا، میدان اور سفارت کاری ملی طاقت کے تین ستون ہیں، ایرانی وزیر خارجہ appeared first on شیعہ نیوز پاکستان.
