شیعہ نیوز: ایرانی وزیر خارجہ نے امریکہ کی جانب سے ایران کے خلاف اقتصادی آپریشن کی دھمکی کو داخلی معاشی بحران سے توجہ ہٹانے کی کوشش قرار دیتے ہوئے کہا کہ ناکام پالیسیوں کو جاری رکھنے پر اصرار ایرانی عوام میں مزید دشمنی پیدا کرے گا۔
رپورٹ کے مطابق ایران کے وزیر خارجہ سید عباس عراقچی نے ایران کے خلاف امریکہ کی جانب سے اقتصادی آپریشن شروع کرنے کی دھمکی پر ردعمل دیتے ہوئے اسے امریکا کے اندر موجود معاشی بحرانوں سے عوام کی توجہ ہٹانے کی کوشش قرار دیا ہے۔
تفصیلات کے مطابق عراقچی نے ایک بیان میں کہا کہ ایران کے خلاف اقتصادی آپریشن شروع کرنے کی دھمکی دراصل امریکی عوام کی توجہ ملک کے اندر موجود مالی بحران سے ہٹانے کی کوشش ہے۔
یہ بھی پڑھیں : ایران و عراق اقتصادی تعاون اور سرمایہ کاری بڑھانے کے لیے نئے اقدامات پر متفق
انہوں نے کہا کہ امریکہ کو اس وقت غیر معمولی قرضوں اور بینکوں کے بڑھتے ہوئے شرح سود جیسے سنگین مالی مسائل کا سامنا ہے اور ایران کے خلاف اس طرح کی دھمکیاں ان مسائل سے توجہ ہٹانے کے لیے دی جا رہی ہیں۔
ایرانی وزیر خارجہ نے خبردار کیا کہ ناکام پالیسیوں کو جاری رکھنے پر اصرار امریکہ کے لیے صرف مزید شکستوں کا باعث بنے گا اور اس کے نتیجے میں ایرانی عوام میں امریکہ کے خلاف مزید دشمنی پیدا ہوگی۔
عراقچی نے امریکہ کی مختلف ممالک کے خلاف اقتصادی پالیسیوں پر بھی تنقید کرتے ہوئے کہا کہ امریکہ کی اقتصادی دہشت گردی دنیا کی معیشت اور دنیا بھر کے ممالک کی قومی خودمختاری کے لیے خطرہ ہے۔
The post ناکام پالیسیوں پر اصرار امریکہ کو مزید شکستوں سے دوچار کرے گا، عراقچی appeared first on شیعہ نیوز پاکستان.
