نیتن یاہو پر بھروسہ اور ایران کی حکومت کا تختہ تیزی سے الٹنا، ٹرمپ کے دو بڑے غلط اندازے، امریکی صحافی

شیعہ نیوز: امریکی صحافی اور سیاسی مبصر فریڈ کاپلان کا خیال ہے کہ ایران کے سلسلے میں ٹرمپ کے حکومت کی پالیسی کی بنیاد دو غلط اندازوں پر رکھی گئي تھی جس کا نہ کوئی ایران میں موجود حقیقت سے کوئی تعلق تھا نہ ہی اس کی کوئی تاریخی مثال موجود تھی۔

فریڈ کاپلان نے Slate جریدے کے لیے اپنے تازہ اداریے میں ایران سے جنگ میں امریکی صدر کی ناکامی کی وجوہات پر روشنی ڈالی ہے اور لکھا ہے کہ اس شکست کی اصل وجہ کارروائی کی باریکیوں کو نظرانداز کرنا نہیں بلکہ فضائی طاقت کے کارآمد ہونے کے بارے میں غلط اندازہ تھا۔

فریڈ کاپلان جو امریکی قومی سلامتی اور فوجی اسٹریٹیجی نیز امریکہ کی ایٹمی طاقت اور دفاعی پالیسی پر گہری نظر رکھتے ہیں لکھا کہ وائٹ ہاؤس یہ تصور کر بیٹھا کہ وسیع فضائی کارروائی کے ذریعے ایران کے نظام کو پیچھے دھکیلا اور اسے تباہ کیا جاسکتا ہے جو نہ صرف ایران میں میدانی حقیقت کے برخلاف تھا بلکہ یہ نظریہ گزشتہ دسیوں جنگوں کے تجربے سے بھی تضاد رکھتا تھا کیونکہ پوری تاریخ میں کوئی بھی ایک ایسا واقعہ نہیں ملتا جس میں محض فضائی طاقت کے ذریعے جنگ جیتی گئی ہو۔

یہ بھی پڑھیں : سابق صہیونی حکام کا ٹرمپ کو خط، مغربی کنارے کی صورت حال پر انتباہ

انہوں نے لکھا کہ امریکہ اپنے اس منصوبے کے تحت ایران کے اعلی عہدے داروں کو ختم کرکے سابق سیاسی نظام سے وابستہ افراد کو اقتدار میں لانا چاہتا تھا تاہم امریکہ کے مدنظر افراد کی ایران میں کوئی حیثیت نہیں نہ ہی انہیں عوامی سطح پر کوئی مقبولیت حاصل ہے۔

عراق میں ایران دشمن مسلح کرد گروہوں کے استعمال کی پلاننگ کو بھی فریڈ کاپلان نے ٹرمپ کی بڑی بھول قرار دیا۔

انہوں نے اپنے اس مضمون میں لکھا کہ ایران کا نظام اس طرح سے بنا ہے کہ قیادت کے خاتمے کی صورت میں، مختلف ادارے اور انتظامی مراکز فوری طور پر اس خلا کو پر کرسکتے ہیں اور سیاسی نظام کو گرنے سے روک سکتے ہیں اور یہ اس بات کا منہ بولتا ثبوت ہے کہ ٹرمپ اور ان کی کابینہ کو ایران میں نظام کی تبدیلی کے بارے میں غلط اندازے پیش کیے گئے ہیں۔

کاپلان نے لکھا ہے کہ نیتن یاہو نے ایران کے اعلی قائدین کو ختم کرنے کے نتائج کے بارے میں ٹرمپ سے غلط بیانی سے کام لیا اور ٹرمپ نے بھی اسرائیلی وزیر اعظم پر بھروسہ کرکے اس اسٹریٹیجک غلطی کا ارتکاب کردیا۔

The post نیتن یاہو پر بھروسہ اور ایران کی حکومت کا تختہ تیزی سے الٹنا، ٹرمپ کے دو بڑے غلط اندازے، امریکی صحافی appeared first on شیعہ نیوز پاکستان.

​