نیتن یاہو کا دورۂ امریکہ ملتوی ہونے کی وجہ واشنگٹن سے اختلافات ہیں، صہیونی ذرائع

شیعہ نیوز: صہیونی میڈیا کے مطابق بنیامین نیتن یاہو اور ٹرمپ انتظامیہ کے درمیان بڑھتے ہوئے اختلافات کے باعث دورۂ امریکہ مؤخر کیا گیا۔

رپورٹ کے مطابق صہیونی میڈیا نے دعوی کیا ہے کہ وزیر اعظم بنیامین نیتن یاہو کا امریکہ کا دورہ صرف سینیٹر لنڈسی گراہم کی تقریب ملتوی ہونے کی وجہ سے نہیں بلکہ امریکی حکومت کے ساتھ بڑھتے ہوئے اختلافات کے باعث بھی مؤخر کیا گیا ہے۔

صہیونی ویب سائٹ وائی نیٹ نے دعویٰ کیا ہے کہ خاص طور پر امریکی نائب صدر جے ڈی وینس کی جانب سے اسرائیلی حکومت پر کی جانے والی سخت تنقید نے دونوں فریقوں کے درمیان اختلافات کو نمایاں کر دیا ہے۔

یہ بھی پڑھیں : شہید ابو مہدی اور حاج قاسم عراق کی عزت ہیں، قابض افواج کو ملک سے نکال کر رہیں گے، اکرم الکعبی

رپورٹ میں کہا گیا ہے کہ وینس کے ان بیانات، جن میں انہوں نے کہا تھا کہ اسرائیل امریکی خارجہ پالیسی پر اثر انداز ہونے کی کوشش کرتا ہے اور واشنگٹن کو دوبارہ جنگوں کی طرف لے جا سکتا ہے، کے بعد نیتن یاہو کا موجودہ حالات میں امریکہ کا دورہ ایک ایسی صورت حال پیدا کر سکتا تھا جہاں انہیں کھلے عام تنقید کا سامنا کرنا پڑتا۔

اگرچہ وائٹ ہاؤس نے باضابطہ طور پر ٹرمپ اور نیتن یاہو کے درمیان ملاقات کی تاریخ کا اعلان نہیں کیا تھا، تاہم اسرائیلی اور امریکی حکام کا کہنا تھا کہ یہ ملاقات پیر کے روز متوقع تھی۔

رپورٹ کے مطابق، ایسا محسوس ہوتا ہے کہ اسرائیلی انتخابات سے چند ماہ قبل نیتن یاہو ایسے وقت میں وائٹ ہاؤس کا دورہ کرنے کے لیے تیار نہیں ہیں جب یہ ملاقات ان کے لیے عوامی تنقید کا باعث بن سکتی ہے۔

The post نیتن یاہو کا دورۂ امریکہ ملتوی ہونے کی وجہ واشنگٹن سے اختلافات ہیں، صہیونی ذرائع appeared first on شیعہ نیوز پاکستان.

​