شیعہ نیوز: ایرانی چیف جسٹس محسنی اژهای نے کہا کہ عدلیہ شریعت، قانون اور انصاف کے دائرے میں رہتے ہوئے غدار عناصر کے خلاف فیصلہ کن کارروائی کرے گی۔
رپورٹ کے مطابق ایران کے چیف جسٹس حجت الاسلام والمسلمین محسنی اژهای نے اعلان کیا ہے کہ وطن سے غداری کرنے والے عناصر کو قانون کے مطابق سختی سے عدالت میں پیش کرکے سزا دی جائے گی، اور اس راستے میں کسی کی تنقید یا ملامت کی پروا نہیں کی جائے گی۔
تفصیلات کے مطابق محسنی اژهای نے سوشل میڈیا پر ایک پیغام میں کہا کہ ایران کی بیدار قوم نے مسلسل 70 روز تک سڑکوں پر حاضری دی اور حالات کا رخ حق کے محاذ کے حق میں بدل دیا۔
ایران کی 40 روزہ جنگ میں کامیابی عوام کے شعور، شجاعت اور ولایت فقیہ سے وفاداری کا نتیجہ ہے۔
یہ بھی پڑھیں : گذشتہ 24 گھنٹوں میں اسرائیلی جارحیت سے غزہ میں 9 فلسطینی شہید، 39 زخمی
چیف جسٹس نے کہا کہ عدلیہ وطن سے غداری کرنے والے عناصر کو قانون کے مطابق عدالت میں لاکر سزا دے گی اور اس ضمن میں کسی کی ملامت سے نہیں ڈرے گی، تاہم عدلیہ شریعت، قانون اور عدل و انصاف کی حدود سے تجاوز نہیں کرے گی۔
محسنی اژهای نے مزید کہا کہ عدلیہ سکیورٹی اور انٹیلیجنس اداروں اور دیگر متعلقہ حکام کی بھرپور حمایت کرے گی تاکہ جاسوسوں، نفوذ کرنے والوں اور غداروں کی گرفتاری اور تعاقب میں کوئی کمزوری نہ ہو، لیکن ساتھ ہی اس بات کا بھی خیال رکھا جائے گا کہ جنگی حالات کے نام پر کسی پر ظلم نہ ہو۔
انہوں نے زور دیا کہ قومی اتحاد اور یکجہتی کو مضبوط بنانا عدلیہ کی ترجیح ہے اور وحدت توڑنے والوں کے خلاف سخت موقف اپنایا جائے گا۔
The post وطن سے غداری کرنے والوں کو قانون کے مطابق کڑی سزا دیں گے، ایرانی چیف جسٹس appeared first on شیعہ نیوز پاکستان.
