شیعہ نیوز: اسرائیلی وزیر اعظم نیتن یاہو نے امریکہ روانہ ہونے سے قبل کہا ہے کہ ان کے اس دورے کا مقصد ٹرمپ کو ایران سے مذاکرات کا اصول سکھانا ہے۔
اسرائیلی وزیر اعظم نے دعوی کیا کہ ٹرمپ سے ان کی گفتگو ان کے بقول مغربی ایشیا میں امن و سلامتی کے خواہاں افراد کے لیے اہم ثابت ہوگی۔
یہ بھی پڑھیں : غزہ پر خطرناک ترین امریکی تھرموبیرک بموں کا استعمال
قابل ذکر ہے کہ نیتن یاہو کے ہمراہ وفد کی فہرست میں تبدیلیاں دکھائی دے رہی ہیں۔ ابتدائی اندازوں کے برخلاف صیہونی فوج کے اعلی عہدے دار ان کے ساتھ اس سفر میں نہیں ہوں گے۔
نیتن یاہو کے قریبی حلقے سے ملنے والی رپورٹوں نے دعوی کیا ہے کہ نیتن یاہو اس سفر کے دوران ٹرمپ کو ایران کی صلاحیتوں کے بارے میں کچھ معلومات فراہم کریں گے تاہم امریکی ذرائع کا خیال ہے کہ اسرائیلی وزیر اعظم ٹرمپ سے ایران پر حملے کی درخواست کرنے کے لیے واشنگٹن جا رہے ہیں اور اپنے اس اقدام کی تشہیر بھی کر رہے ہیں۔
The post ٹرمپ کو ایران سے مذاکرات کے اصول بتاؤں گا!: امریکہ روانہ ہونے سے قبل نیتن یاہو کی بیان بازی appeared first on شیعہ نیوز پاکستان.
