شیعہ نیوز: ایرانی وزیر خارجہ نے امریکی صدر کے توہین آمیز بیان پر ردعمل دیتے ہوئے کہا کہ ہم کبھی بھی بے ہودہ الفاظ کا جواب ویسی زبان میں نہیں دیتے، ہمارا جواب ہمارا عمل ہوتا ہے، جو فیصلہ کن اور جرات مندانہ ہوتا ہے۔
رپورٹ کے مطابق ایران کے وزیر خارجہ سید عباس عراقچی نے امریکی صدر کے سوشل میڈیا پر دیے گئے توہین آمیز بیان پر ردعمل دیتے ہوئے کہا ہے کہ عظیم، مہذب اور بہادر ایرانی قوم کو توہین آمیز اور گھٹیا زبان میں مخاطب کرنے سے اس قوم کی عظمت، وقار اور بلند مقام میں کوئی کمی نہیں آسکتی۔
یہ بھی پڑھیں : دشمن کو سخت سزا دی جائے گی، محسن رضائی
انہوں نے کہا کہ ایرانی قوم اپنی قدیم تہذیب، عظیم ثقافت اور اعلی اخلاقی اقدار کی پابندی کی وجہ سے دنیا بھر میں پہچانی جاتی ہے۔
سید عباس عراقچی نے زور دے کر کہا کہ ہم کبھی بھی بے ہودہ الفاظ کا جواب ویسی ہی زبان میں نہیں دیتے۔ ہمارا جواب ہمارا عمل ہوتا ہے، جو فیصلہ کن، جرات اور بہادری سے بھرپور ہوتا ہے۔
The post ٹرمپ کی بے ہودہ باتوں کا جواب عملی اقدامات سے دیں گے، عراقچی appeared first on شیعہ نیوز پاکستان.
