شیعہ نیوز: ایم ڈبلیو ایم پاکستان کے پارلیمانی لیڈر، انجینئر حمید حسین طوری نے قومی اسمبلی میں ٹل پاراچنار روڈ کی مسلسل بندش اور عرب امارات سے پاکستانیوں کی جبری بے دخلی کے خلاف قرارداد جمع کرائی۔
انہوں نے قرارداد میں مؤقف اختیار کیا کہ نومبر 2024ء سے ضلع کرم کی مرکزی شاہراہ بند ہے، جس کے باعث 8 لاکھ سے زائد آبادی شدید مشکلات، سفری پابندیوں اور اذیت ناک صورتحال سے دوچار ہے۔
انہوں نے مزید بتایا کہ ان کے دفتر سے اب تک ضلع کرم کے 678 متاثرہ تارکینِ وطن نے رابطہ کیا ہے، جنہیں عرب امارات سے جبری طور پر بے دخل کیا گیا۔
یہ بھی پڑھیں : پاکستان خطے میں ایران امریکہ تنازع کے حل کیلئے کردار ادا کر رہا ہے، وزیر اعظم شہباز شریف
ان متاثرہ اوورسیز پاکستانیوں کے مالی نقصانات کا تخمینہ 3 ارب 39 کروڑ 86 لاکھ روپے سے زائد لگایا گیا ہے۔
قرارداد میں مطالبہ کیا گیا ہے کہ ان بے دخلیوں کو فوری طور پر روکا جائے اور حکومتِ پاکستان سفارتی سطح پر عرب امارات کی حکومت سے رابطہ کرکے متاثرہ پاکستانیوں کے نقصانات کے ازالے کے لیے موثر اقدامات کرے
The post پارلیمانی لیڈر ایم ڈبلیوایم حمید حسین کی جانب سے ٹل پاراچنار روڈ بندش اور یواے ای سے پاکستانیوں کی جبری بےدخلی کے خلاف قراردادجمع appeared first on شیعہ نیوز پاکستان.
