حوزہ/امسال 2026 میں پاکستان بھر میں اربعین حسینی کے موقع پہ منعقد ہونے والی مشیِ اربعین نے عشقِ امام حسینؑ، شعائرِ حسینی اور اجتماعی بیداری کی ایک نئی تاریخ رقم کی۔ ملک کے بڑے شہروں سے لے کر چھوٹے قصبوں تک ہزاروں عاشقانِ اہلِ بیتؑ نے نظم و ضبط، امن، اخوت اور عقیدت کے ساتھ اربعین واک میں شرکت کرکے یہ ثابت کیا کہ کربلا کا پیغام صرف ماضی کا واقعہ نہیں بلکہ آج بھی ظلم کے مقابل حق، وفاداری، ایثار اور انسانی عظمت کا زندہ منشور ہے۔
