شیعہ نیوز: وفاق المدارس الشیعہ پاکستان کے صدر علامہ حافظ سید ریاض حسین نجفی نے جامع علی مسجد حوزہ علمیہ جامعة المنتظر ماڈل ٹاون میں خطبہ جمعہ دیتے ہوئے کہا ہے کہ حضرت موسیٰ کی قوم کا ایک حصہ دنیا میں فساد پھیلا رہا ہے۔ سارے یہودی برے نہیں ہیں لیکن آج کے صیہونی یہودی دنیا کے امن کو تباہ کر رہے ہیں۔ یہودی قوم نے حضرت موسی علیہ السلام کے دور میں بھی اللہ کے اس پیارے نبی کو بہت تنگ کیا تھا۔
انہوں نے کہا مسیحیوں کی قرآن مجید میں تعریف موجود ہے، جبکہ حضرت عیسیٰ علیہ السلام آخری دور میں حضرت امام مہدی علیہ السلام کے پیچھے نماز پڑھیں گے۔
ان کا کہنا تھا مسیحی مجموعی پرامن ہیں، البتہ ان کا بھی ایک حصہ یہودی فسادی ٹولے کے ساتھ شامل ہو کر دنیا کے امن کو تباہ کرنے پر تلا ہوا ہے۔
یہ بھی پڑھیں : چہلم شہید آیت اللہ خامنہ ای کا پروگرام میونسپل سٹیڈیم سکردو میں ہو گا، آغا باقر کا اعلان
ان کا کہنا تھا کہ وطن عزیز پاکستان ہمارا فخر ہے، آج بھی اس جنگ کی صلح کے لیے متحرک ہے۔ انشاءاللہ پاکستان اس میں امریکہ اور ایران کے مذاکرات کامیاب کروا کر دنیا کو ایک بڑی جنگ سے نجات دلائے گا۔
حافظ ریاض نجفی نے افسوس کا اظہار کیا کہ خاتم الانبیاء کی وفات کے بعد مسلمانوں کے ایک طبقے نے نظام غدیر اور امامت کو تسلیم نہیں کیا، وہ ولایت کو اتنا نیچے لے گئے کہ ہر کسی کو ولی بنا دیا اور اسی طرح سے امامت کا بھی انہوں نے کم رتبہ ظاہر کیا۔
انہوں نے کہا یہ اہل تشیع ہی ہیں جنہوں نے غدیر نظام غدیر اور امامت کو تسلیم کیا، اس لحاظ سے آج دنیا بھر میں شیعہ کی ذمہ داریاں بھی زیادہ ہیں۔
ان کا کہنا تھا کہ گزشتہ سال 12 دن کی جنگ اور اس سال 40 دن کی جنگ میں یہودی اور عیسائیوں کے خلاف جو قوت کے ساتھ کھڑا رہا وہ ولایت پذیر ملک ایران ہے، جس طرح 61 ہجری میں امام حسین علیہ السلام نے اکیلے نصرت اسلام کی، اسی طرح آج آیت اللہ خامنہ ای شہید نے اپنی شہادت دے کر نصرت اسلام کی ہے۔
انہوں نے کہا کہ امریکہ اور اسرائیل جنگ میں ایران کی قوت مزاحمت کا فائدہ یہ ہوا کہ ہر صاحب شعور اور بابصیرت انسان ایران کے ساتھ ہے۔
انہوں نے کہا کہ آج تشیع کو بہت بڑی عظمت حاصل ہونے کے ساتھ اس کی ذمہ داریاں بھی بڑھ گئی ہیں، ہمیں دنیا کو اپنے اخلاق سے گرویدہ کرنا ہوگا۔
انہوں نے کہا اسلام سلامتی کا درس دیتا ہے۔ ایران کی جنگ نے ثابت کر دیا کہ اسلام کے لیے کوئی کھڑا ہو سکتا ہے تو وہ علی والے ہیں، اور حضرت آیت اللہ سید علی خامنہ ای رحمة اللہ علیہ کی شہادت اس کا بہت بڑا ثبوت ہے۔
The post پاکستان، امریکہ ایران مذاکرات سے دنیا کو بڑی جنگ سے نجات دلائے گا، علامہ ریاض نجفی appeared first on شیعہ نیوز پاکستان.
