شیعہ نیوز: وزیر خارجہ اسحاق ڈار نے ایرانی ہم منصب عباس عراقچی سے رابطہ کر کے خطے کی صورتحال اور حال ہی میں طے پانے والے مکہ دفاعی معاہدے پر تبادلہ خیال کیا۔
رپورٹ کے مطابق نائب وزیراعظم و وزیر خارجہ اسحاق ڈار نے ایرانی ہم منصب عباس عراقچی سے ٹیلیفونک رابطہ کر کے حال ہی میں پاکستان، سعودی عرب اور ترکیے کے مابین طے پانے والے مکہ دفاعی معاہدے اور خطے کی موجودہ صورتحال پر تبادلہ خیال کیا۔
رپورٹ کا بتانا ہے کہ دونوں وزرائے خارجہ نے خطے کی بدلتی صورتحال اور امن و استحکام کے لیے کی جانے والی کوششوں پر بھی تبادلہ خیال کیا۔
یہ بھی پڑھیں : اسرائیلی فوجی اڈے پر بیماری کا پھیلاؤ؛ 30 خواتین فوجی اور کمانڈرز متاثر
رپورٹ کے مطابق ایرانی وزیر خارجہ نے پاکستانی ہم منصب کو عمان کے ساتھ آبنائے ہرمز میں نئی تجارتی راہداری کے حوالے سے ہونے والی حالیہ گفتگو پر اعتماد میں لیا۔
دوسری جانب وزیر خارجہ اسحاق ڈار نے عباس عراقچی کو مکہ دفاعی معاہدے کے حوالے سے آگاہ کیا اور بتایا کہ معاہدے کا مقصد اسٹریٹجک تعاون اور خطے میں امن و استحکام لانا ہے۔
The post پاکستانی و ایرانی وزرائے خارجہ کا رابطہ، مکہ دفاعی معاہدے اور خطے کی صورتحال پر تبادلہ خیال appeared first on شیعہ نیوز پاکستان.
