شیعہ نیوز: پاکستان آئندہ ہفتے امریکا اور ایران کے درمیان مذاکرات کے دوسرے دور کی میزبانی کرےگا۔
امریکی صدر ڈونلڈ ٹرمپ کے دورہ چین سے قبل امریکا اور ایران کے درمیان ابتدائی معاہدے کا امکان ہے، بتایا جارہا ہے کہ تنازع کے 85 فیصد معاملات طے پا چکے ہیں تاہم جوہری مسئلہ اب بھی سب سے بڑی رکاوٹ ہے۔
ترک خبر رساں ادارے کے مطابق دونوں ممالک کے درمیان جاری جنگ کے خاتمے کے لیے بات چیت کی بحالی متوقع ہے، جبکہ امکان ظاہر کیا گیا ہے کہ 14، 15 مئی کو ٹرمپ کے دورہ چین سے قبل ایک ابتدائی معاہدہ طے پا سکتا ہے۔
یہ بھی پڑھیں : لبنان جنگ بندی معاہدے کا حصہ ہوگا، ایران کے وزیر خارجہ نے اطمینان دلایا ہے: نبیہ برّی
پاکستان آئندہ ہفتے امریکا اور ایران کے درمیان تعطل کا شکار امن مذاکرات کے دوسرے دور کی میزبانی کی توقع کر رہا ہے۔
ذرائع کے مطابق حالیہ پیشرفت کو مدنظر رکھتے ہوئے اسلام آباد کو امید ہے کہ دونوں فریق مذاکرات دوبارہ شروع کریں گے۔
The post پاکستان آئندہ ہفتے ایران امریکا مذاکرات کے دوسرے دور کی میزبانی کریگا appeared first on شیعہ نیوز پاکستان.
