شیعہ نیوز: ایشیائی ممالک کی پارلیمنٹ کے اسپیکروں کی کانفرنس کے موقع پر ایران کے ڈپٹی اسپیکر اور پاکستان کی قومی اسمبلی کے اسپیکر کے درمیان ملاقات مشترکہ دشمنوں کے خلاف تہران اور اسلام آباد کے اتحاد میں بدل گئی۔
اس ملاقات میں دونوں فریقوں نے صیہونی حکومت کے خلاف مشترکہ موقف پر زور دیا، دہشت گردی اور جارحیت کی مذمت کی اور عالم اسلام کے پارلیمانی تعاون اور یکجہتی کو وسعت دینے کا عزم ظاہر کیا۔
یہ بھی پڑھیں : بورڈ آف گونرس کے اجلاس سے پہلے ایران، روس اور چین کے سفیروں کی رافائل گروسی سے ملاقات
ایران کے ڈپٹی سپیکر علی نیک زاد اور ان کے ہمراہ جانے والے پارلیمانی وفد کے ارکان نے اسلام آباد میں بین الپارلیمانی اسپیکرز کانفرنس کے موقع پر پاکستان کی قومی اسمبلی کے اسپیکر سردار ایاز صادق سے ملاقات کی۔
اس ملاقات میں علی نیک زاد نے پاکستانی حکومت اور پارلیمنٹ کی میزبانی کو سراہتے ہوئے گزشتہ روز اسلام آباد میں ہونے والے دہشت گردانہ حملے کی شدید مذمت کی اور پاکستانی حکومت اور عوام بالخصوص اس واقعے کے متاثرین کے خاندانوں کے ساتھ یکجہتی کا اظہار کیا۔
انہوں نے صیہونی حکومت کی طرف سے مسلط کردہ 12 روزہ جنگ کے دوران ایران کے لیے پاکستان کے عوام، حکومت اور پارلیمنٹ کی حمایت کو بھی سراہا اور اس بات پر زور دیا کہ دونوں پڑوسی ممالک کو دو طرفہ تعاون کو وسعت دینے کے لیے موجودہ مواقع سے بھرپور فائدہ اٹھانا چاہیے۔
اس ملاقات میں پاکستان کی قومی اسمبلی کے اسپیکر ایاز صادق نے پارلیمنٹ کے بین الپارلیمانی اسپیکرز کانفرنس میں ایرانی پارلیمنٹ کے ڈپٹی اسپیکر کی شرکت پر اطمینان کا اظہار کرتے ہوئے کہا کہ پاکستان دہشت گردی کے خاتمے کے لیے پختہ عزم رکھتا ہے۔
انہوں نے صیہونی حکومت کی جارحیت کے مقابلے میں ایرانی قوم کے جذبے اور مزاحمت کی تعریف کرتے ہوئے کہا کہ ایران نے اسرائیل کو منہ توڑ جواب دیا ہے اور ہم اس فتح پر ایرانی قوم کو مبارکباد پیش کرتے ہیں۔
پاکستان کی قومی اسمبلی کے اسپیکر نے مزید کہا کہ ایران اور پاکستان کے مشترکہ دشمن ہیں جن میں سے اسرائیل ایک ہے۔
The post پاکستان اور ایران کا تل ابیب کے نام پارلیمانی پیغام appeared first on شیعہ نیوز پاکستان.
