شیعہ نیوز: ایران کی پارلیمنٹ مجلس شورائے اسلامی کے اسپیکر محمد باقر قالیباف نے کہا ہے کہ پاکستان مختلف اقتصادی، ثقافتی اور سیکورٹی شعبوں میں ایران کے لیے بہت زیادہ اہمیت کا حامل ہے، کیونکہ دونوں ممالک کی تجارتی ضروریات ایک دوسرے کی تکمیل کرتی ہیں۔
اپنے پہلے دورہ پاکستان سے واپسی پر پارلیمنٹ کے کھلے اجلاس سے خطاب کرتے ہوئے اسپیکر محمد باقر قالیباف کا کہنا تھا کہ دونوں ملکوں کے درمیان گہرے ثقافتی، تاریخی اور مذہبی رشتے قائم ہیں دونوں ممالک سیکورٹی اور دفاعی لحاظ سے بھی ایک دوسرے کے ساتھ تعاون کو فروغ دے سکتے ہیں۔
انہوں نے پاکستان اپنے جغرافیائی محل وقوع کے باعث مشرقی ایشیا اور ایران کے درمیان ایک پل کی حثیت رکھتا ہے۔
یہ بھی پڑھیں : جنوبی لبنان میں اسرائیلی ڈرون حملے میں ایک لبنانی شہری شہید
اسپیکر محمد باقر قالیباف نے پارلیمنٹ کو بتایا کہ اپنے دورہ پاکستان کے دوران مذکورہ اہداف کے حصول کے لیے، ایرانی پارلیمانی وفد نے پاکستان کے اعلیٰ عہدے داروں منجملہ قومی اسمبلی کے اسپیکر، قائم مقام صدر اور سینیٹ کے اسپیکر، وزیراعظم اور اس ملک کی فوج کے کمانڈر انچیف سے ملاقاتیں کیں۔ جبکہ پاکستان اور ایرانی تاجر برداری کے وفود اور پاکستانی علما اور دانشوروں سے بھی دوستانہ ماحول میں تبادلہ خیال کیا۔
انہوں نے مزید کہا کہ صدر کے دورے کے دوران دستخط شدہ تعاون کی دستاویزات پر عمل درآمد، دوطرفہ تجارت کے حجم کو 10 بلین ڈالر تک پہنچانے، بنیادی ڈھانچے میں اصلاحات کے ذریعے بارٹرٹریڈ نگ کو آسان بنانا، آزاد تجارتی معاہدے کو حتمی شکل دینا، سرحدی تعاون کو وسعت دینا، مشترکہ منڈیوں کی ترقی، سرحدی سلامتی کو مضبوط بنانا اور ایران، چین اور پاکستان کے درمیان سہ فریقی تعاون کی منصوبہ بندی جیسے مشترکہ منصوبوں پر تبادلہ خیال کیا گیا۔
مجلس شورائے اسلامی کے اسپیکر نے پاکستان کے معززین کا خصوصی شکریہ ادا کرتے ہوئے کہا کہ دارالحکومت اسلام آباد اور اقتصادی مرکز کراچی میں ایرانی وفد کا پرجوش اور پرتپاک استقبال دونوں قوموں کے درمیان محبت اور بھائی چارے کی گہرائی کو ظاہر کرتا ہے۔
انہوں نے کہا کہ پاکستانی نمازیوں نے ایران کے پارلیمانی وفد کا غیر متوقع جوش و خروش کے ساتھ استقبال کیا؛ ایران اور فلسطین کے لیے محبت کے اظہار اور حمایتی نعروں نے ناقابل فراموش مناظر کو جنم دیا۔یہ ایران کی پوری مزاحمتی قوم کا استقبال تھا اور اس سے ظاہر ہوتا ہے کہ پاکستانی عوام ایرانی عوام کو اپنا بھائی سمجھتے ہیں۔
The post پاکستان اہم ملک ہے، دونوں ممالک ایک دوسرے کی ضروریات پوری کرسکتے ہیں، اسپیکر قالیباف appeared first on شیعہ نیوز پاکستان.
