شیعہ نیوز: سربراہ تحریک بیداری امت مصطفیٰ کا کہنا تھاکہ ظلم کے خلاف جدوجہد کسی ایک مسلک تک محدود نہیں بلکہ یہ حق اور باطل کی واضح جنگ ہے، جس میں اصل طاقت ایمان، قربانی اور اتحاد ہے، غزہ اور دیگر مظلوموں کیساتھ کھڑا ہونا ہی اصل ایمان کا تقاضا ہے۔
خاموشی اور بے عملی کا وقت گزر چکا ہے، اب امت کے لیے لازم ہے کہ وہ ظلم کے خلاف واضح مؤقف اختیار کرے اور اپنی ذمہ داری ادا کرے۔
رپورٹ کے مطابق چہلم شہید رہبرِ معظم انقلابِ اسلامی سید علی خامنہ ای کے موقع پر جامعہ عروۃ الوثقیٰ میں عظیم الشان “پاک ایران یکجہتی اجتماع” منعقد ہوا، جس کی صدارت سربراہ تحریک بیداری اُمتِ مصطفیٰؐ علامہ سید جواد نقوی نے کی۔
قومی اجتماع میں شیعہ و سنی مرد و خواتین، تمام مکاتبِ فکر کے جید علماء کرام، دانشوران، صحافی اور مختلف طبقاتِ فکر سے تعلق رکھنے والے افراد نے بھرپور شرکت کی۔
یہ بھی پڑھیں : امت کو اپنے رہبر کے راستے پر متحد ہو کر کھڑا ہونا ہوگا، علامہ امین شہیدی
مقررین نے اپنے خطابات میں اُمتِ مسلمہ میں بیداری، اتحاد اور مظلومین کے ساتھ عملی اظہارِ یکجہتی کو فروغ دینے کی ضرورت پر زور دیا اور شہداء کی قربانیوں کو خراجِ عقیدت پیش کیا۔
سابق امیر جماعت اسلامی سراج الحق، چیئرمین مجلس وحدت مسلمین و اپوزیشن لیڈر سینیٹ علامہ راجہ ناصر عباس جعفری، صدر شیعہ علماء کونسل پنجاب علامہ اشتیاق حسین کاظمی، صدر وفاق المدارس الشیعہ پاکستان علامہ حافظ ریاض حسین نجفی، چیئرمین اُمتِ واحدہ علامہ محمد امین شہیدی، صدر نظام المدارس پاکستان ڈاکٹر میر آصف اکبر، جنرل سیکرٹری وفاق المدارس الشیعہ علامہ محمد افضل حیدری اور دیگر معزز شخصیات شامل تھیں۔
علامہ سید جواد نقوی نے کہا کہ امریکہ و اسرائیل کے خلاف پیدا ہونے والی عوامی نفرت کو اندرونی اختلافات یا مقامی سیاسی تنازعات کی طرف موڑنا ایک سنگین فکری غلطی ہوگی۔
انہوں نے کہا کہ حقیقی جدوجہد کا ہدف صرف جنگ بندی نہیں بلکہ ظلم کے نظام کا خاتمہ ہونا چاہیے، اور اسی مقصد کے ساتھ ملت پاکستان اپنی فکری و عملی جدوجہد جاری رکھے گی۔
انہوں نے کہا ہے کہ آزادی آسان راستہ نہیں، یہ قربانی اور جدوجہد کا نام ہے اور حق کبھی خوف کے سامنے نہیں جھکتا۔ انہوں نے کہا کہ واقعہ کربلا حق اور باطل کی جدوجہد کی واضح مثال ہے، جو آج بھی جاری ہے اُمت کی اصل طاقت اتحاد میں ہے اور شیعہ سنی وحدت ہی ظلم کے خلاف مؤثر قوت ہے۔
علامہ جواد نقوی نے کہا ہے کہ واقعہ کربلا انسانیت کیلئے ایک زندہ درسگاہ ہے، جو ہر دور میں حق، صبر اور استقامت کا پیغام دیتی ہے۔
انہوں نے کہا کہ ظلم کے خلاف جدوجہد کسی ایک مسلک تک محدود نہیں بلکہ یہ حق اور باطل کی واضح جنگ ہے، جس میں اصل طاقت ایمان، قربانی اور اتحاد ہے، غزہ اور دیگر مظلوموں کیساتھ کھڑا ہونا ہی اصل ایمان کا تقاضا ہے۔
خاموشی اور بے عملی کا وقت گزر چکا ہے، اب امت کے لیے لازم ہے کہ وہ ظلم کے خلاف واضح مؤقف اختیار کرے اور اپنی ذمہ داری ادا کرے۔
علامہ جواد نقوی نے کہا کہ سیاسی و سماجی میدان میں حق کے لیے آواز اٹھانے والوں کی کوششیں قابلِ تحسین ہیں، ظلم کے مقابلے میں کھڑا ہونا انسان کو نورانی اور ملائکی صف میں شامل کرتا ہے، ظہورِ امام مہدی کا بنیادی مقصد زمین سے ظلم کا خاتمہ اور عدل و انصاف کا قیام ہے۔
انہوں نے کہا کہ امت مسلمہ کا حقیقی ہدف صرف جنگ بندی نہیں بلکہ مکمل طور پر ظلم کا خاتمہ ہے، واقعہ کربلا کے طرز پر سوگ کو فکری اور تاریخی حماسہ میں بدلنا ضروری ہے۔
علامہ جواد نقوی نے کہا کہ پاک ایران یکجہتی ایک امت، ایک درد اور ایک مشترکہ نظریے کی علامت ہے، آیت اللہ علی خامنہ ای کے خطبات دشمن شناسی اور اسٹریٹجک فکر کا ماڈل ہیں، امریکہ اور اسرائیل کے خلاف نفرت کو داخلی سیاسی لڑائیوں میں منتقل کرنا درست نہیں۔
The post پاک ایران یکجہتی ایک امت، ایک درد اور ایک مشترکہ نظریے کی علامت ہے، علامہ جواد نقوی appeared first on شیعہ نیوز پاکستان.
