پیپلز پارٹی کے بانی رہنما وزیر غلام عباس ساٹھ سالہ رفاقت چھوڑکرسینکڑوں حامیوں سمیت ایم ڈبلیوایم میں شامل، کاظم میثم کی حمایت کا اعلان

شیعہ نیوز: پاکستان پیپلز پارٹی کے بزرگ رہنما و سابق رکن کونسل سکردو وزیر غلام عباس نے پیپلز پارٹی کے ساتھ 60 سالہ رفاقت ختم کرکے مجلس وحدت مسلمین اور تحریک انصاف کے مشترکہ امیدوار محمد کاظم میثم کی حمایت کا اعلان کردیا۔

محمد کاظم میثم کی حمایت کا اعلان انہوں نے اپنی رہائش گاہ پر ایک بہت بڑی تقریب کے دوران کیا ،انہوں نے کہاکہ کاظم میثم لائق فائق انسان ہیں ان کی حمایت شرعی اخلاقی فریضہ سمجھ کر کررہا ہوں، میثم ایک ایسا نگینہ ہیں جس کی حفاظت ہم سب کی شرعی اور اخلاقی ذمہ داری ہے مجھے ان سے کسی چیز کی لالچ نہیں ہے محض ان کے ویژن سے متاثر ہوکر ان کے قافلے میں شامل ہورہا ہوں ۔

آغا علی رضوی کے قوم کے اوپر بے شمار احسانات ہیں آج آغا علی بیمار ہوگئے ہیں تو کاظم میثم کو تنہا نہ چھوڑیں لوگوں سے اپیل کرتا ہوں کہ گھروں سے نکلیں اور آغا علی کے نامزد کردہ امیدوار کاظم میثم کی کامیابی کیلئے بھرپور طریقے سے انتخابی مہم چلائیں قیام پاکستان سے آج تک کوئی قابل لیڈر آیا ہے تو وہ کاظم میثم ہے ان کی حمایت ہم سب کی قومی شرعی اور اخلاقی ذمہ داری ہے۔

یہ بھی پڑھیں : محسن نقوی کی تہران میں ایک ہفتے میں دوسری بار ایرانی صدر سے ملاقات

آج اگر ہم نے کاظم میثم جیسے لیڈر کی حمایت نہ کی تو یہ بہت بڑی نا انصافی ہوگی ستر سال سے ہماری قوم کے ساتھ زیادتی ہورہی ہے اب انشاء اللہ ہمیں امید ہو چلی ہے کہ ہمارے درمیان قابل لیڈرز پیدا ہوگئے ہیں ۔

کاظم میثم نے تقریب سے خطاب کرتے ہوئے انہوں نے کہاکہ وزیر غلام عباس اصول پسند نڈر جرات مند انسان ہیں اس لئے آپ اپنی پارٹی میں ایڈجسٹ نہیں ہورہے تھے آج آپ نے اپنی جماعت کے ساتھ 60 سالہ رفاقت ختم کردی مجھے فخر ہے کہ میری حمایت وہ لوگ کررہے ہیں جنہوں نے جواں مردی کے ساتھ قوم کے حقوق کیلئے جرات مندانہ جنگ لڑی۔

وزیر غلام عباس پورے گلگت بلتستان میں ایک برینڈ کی حیثیت رکھتے ہیں آپ کو پورے گلگت بلتستان کے لوگ جانتے ہیں انشاء اللہ بزرگوں سے مشاورت کے تحت آگے بڑھوں گا انہوں نے کہاکہ ہماری قوم آغا علی رضوی اور وزیر غلام عباس جیسی جرات مند شخصیات قدر نہیں کرتی ہے جس پر مجھے بڑی شکایت ہے ہمیں اپنے اسلاف کی قربانیوں اور خدمات کو قدر کی نگاہ سے دیکھنا چاہیئے۔

The post پیپلز پارٹی کے بانی رہنما وزیر غلام عباس ساٹھ سالہ رفاقت چھوڑکرسینکڑوں حامیوں سمیت ایم ڈبلیوایم میں شامل، کاظم میثم کی حمایت کا اعلان appeared first on شیعہ نیوز پاکستان.

​