چابہار،جنوبی مشرقی ایران کے صوبہ سیستان و بلوچستان میں سمندر کے کنارے واقع واحد ساحلی شہر ہے۔ اپنی معتدل وآب وہوا اور سال کے بیشتر ایام میں بہاری موسم کے باعث،شہرچارموسم بہارکے نام سے مشہور سے اور بہت سے لوگوں کا خیال ہے کہ ” چابہار” دراصل ” چہاربہار” سے ماخوذ ہے۔
چا بہارکو اپنے دیدہ زیب قدرتی مناظراور منفرد محل وقوع کے لحاظ سے، بہشت جنوب ایران ، بھی کہا جاتا ہے ۔
چابہار میں تاریخی آثار اور پرکشش قدرتی مقامات بہت زيادہ ہیں اسی وجہ سے اس کا شمار ایران کے اہم ترین سیاحتی مقامات میں ہوتا ہے۔ اس کے اہم ترین سیاحتی مقامات میں، مینی ایچر پہاڑیوں، لیپارجھیل، کوہ گل افشاں اور تاریخی گاؤں، تیس کا نام لیا جاسکتا ہے جن میں سے ہرایک میں قدرتی حسن اور مقامی تہذیب و ثقافت کا دلکش امتزاج دیکھنے کو ملتا ہے۔
چابہار، شہر چار بہار
