شیعہ نیوز: ایران کے نائب وزیر خارجہ کاظم غریب آبادی نے اپنے دورہ بیجنگ کے موقع پر چین کے وزیر خارجہ کے اسسٹینٹ “لیو بین” سے ملاقات کی۔
اس موقع پر لیو بین نے ایران کے ایٹمی اور سیاسی معاملات کے سفارتی راہ حل پر زور دیتے ہوئے پرامن ایٹمی توانائی کے استعمال پر مبنی تہران کے مسلّمہ حق پر زور دیا۔
یہ بھی پڑھیں : عمان میں ہونے والے مذاکرات صرف ایٹمی موضوع پر ہوں گے، ایران
لیو بین نے کاظم غریب آبادی سے ملاقات کے دوران اس بات پر زور دیا کہ بیجنگ زور زبردستی اور پابندیاں مسلط کرنے کا مخالف ہے۔
انہوں نے کہا کہ ایران نے ایٹمی ہتھیار نہ بنانے پر مبنی اپنے فیصلے کا بارہا اعادہ کیا ہے اور چین بھی اس سلسلے میں مناسب اور مستحکم راہ حل کو آگے بڑھانے کا قائل ہے۔
اس موقع پر نائب وزیر خارجہ کاظم غریب آبادی نے چین کے غیرجانبدارانہ اور منصفانہ موقف کا خیرمقدم کیا اور بیجنگ کے ساتھ تہران کے تعلقات کو مزید مستحکم بنانے کا اعادہ کیا۔
The post چین نے ایران کے ایٹمی حقوق کا واضح طور پر دفاع کیا، کاظم غریب آبادی appeared first on شیعہ نیوز پاکستان.
