شیعہ نیوز: خیبر پختونخوا کے ضلع کراک کے علاقے درگہ شہیدان میں دہشت گردوں کی فائرنگ سے فرنٹیئر کور (ایف سی) کے کم از کم تین جوان شہید جبکہ ایک ریسکیو اہلکار سمیت پانچ افراد زخمی ہوگئے۔
تفصیلات کے مطابق واقعہ اس وقت پیش آیا جب ریسکیو ٹیمیں ریسکیو 1122 کی ایمبولینسوں کے ذریعے خرم پولیس اسٹیشن کی حدود میں ہونے والے ایک علیحدہ حملے میں زخمی ہونے والے سیکیورٹی اہلکاروں کو قریبی اسپتال منتقل کر رہی تھیں۔
ڈسٹرکٹ پولیس آفیسر (ڈی پی او) کرک کے مطابق درگہ کے علاقے میں پہلے ایک حملہ ہوا جس کے نتیجے میں پانچ سیکیورٹی اہلکار زخمی ہوئے۔ جب ریسکیو 1122 کی ایمبولینسیں زخمیوں کو لے کر روانہ ہوئیں تو گھات لگائے مسلح دہشت گردوں نے ایمبولینسوں پر اندھا دھند فائرنگ کردی۔
یہ بھی پڑھیں : وزارت عظمی کی نامزدگی سے دستبردار نہیں ہوں گا، نوری المالکی
فائرنگ کے نتیجے میں ایف سی کے تین جوان شہید ہوگئے جبکہ پانچ افراد زخمی ہوئے، جن میں ایک ریسکیو اہلکار بھی شامل ہے۔ حملہ آور دو ایمبولینسوں کو آگ لگانے کے بعد موقع سے فرار ہوگئے۔
واقعے کے بعد علاقے میں سیکیورٹی فورسز نے سرچ آپریشن شروع کر دیا ہے جبکہ زخمیوں کو طبی امداد فراہم کی جا رہی ہے۔
The post کرک ؛ خارجیوں کی ایمبولینس پر فائرنگ ،تین جوان شہید appeared first on شیعہ نیوز پاکستان.
