شیعہ نیوز: اعلی قومی سلامتی کونسل کے سیکریٹری ڈاکٹر علی لاریجانی نے ٹرمپ کے گزشتہ دنوں کے اس حماقت آمیز دعوے کہ ایران کمزور پڑ چکا ہے اور ہتھیار ڈالنے کے لیے تیار ہے کہا کہ کسی کو بھی اس بات حق نہیں کہ ایرانی عوام سے دھمکی آمیز لہجے میں بات کرے۔
رپورٹ کے مطابق ڈاکٹر علی لاریجانی نے “آیت اللہ العظمی خامنہ ای کی نظر میں مغربی دنیا کی حقیقت” کانفرنس کے موقع پر ڈاکٹر علی لاریجانی نے صحافیوں سے بات چیت کرتے ہوئے کہا کہ آپ کو بخوبی علم ہے کہ ایران شائد تعداد اور حجم کے لحاظ سے مغربی دنیا کے برابر نہ ہو لیکن ایرانی عوام پرعزم، باصلاحیت، مستحکم اور ہمیشہ تیار رہتی ہیں۔
انہوں نے کہا کہ تمام تاریخی ادوار میں ایرانی قوم نے اپنے اقدار، اقتدار اعلی اور اہداف کے لیے استقامت کا مظاہرہ کیا ہے لہذا کسی کو بھی اس بات کا حق نہیں کہ ایرانی عوام سے دھمکی آمیز لہجے میں بات کرے۔
یہ بھی پڑھیں : جنگ غزہ کے شہیدوں کی تعداد بڑھ کر 69 ہزار 179 تک پہنچ گئی
اعلی قومی سلامتی کونسل کے سیکریٹری نے زور دیکر کہا کہ ایرانی عوام تفکر اور گہری سوچ رکھتی ہیں اور ہر طرح کی گفتگو اس کو مدنظر نظر رکھتے ہوئے انجام پائے گی۔
انہوں نے کہا کہ ایرانی عوام بہت اچھی طرح سمجھ چکے ہیں کہ سفارتکاری کے تمام راستے آزمائے جا چکے ہیں۔
نیٹو کے سیکریٹری جنرل کے ایران کے خلاف دھمکی آمیز بیان کے بارے مین پوچھے گئے ایک سوال کا جواب دیتے ہوئے علی لاریجانی نے کہا کہ ہم دھمکیوں کے زیر سایہ نہیں حقیقت پر مبنی زندگی جیتے ہیں۔
انہوں نے امریکیوں کے اس دعوے کے بارے میں کہ ایران نے مذاکرات کی پیش کش کی ہے کہا کہ یہ بات سراسر غلط ہے۔
The post کسی کو بھی ایرانی عوام سے دھمکی آمیز لہجے میں بات کرنے کی اجازت نہیں: ڈاکٹر علی لاریجانی appeared first on شیعہ نیوز پاکستان.
