شیعہ نیوز: کمشنر کراچی سید حسن نقوی نے ایڈیشنل آئی جی پولیس کراچی آزاد خان اور متعلقہ افسران کے ہمراہ عاشورہ محرم کے مرکزی جلوس کے روٹ کا جایزہ لینے کے لیے روٹ کا دورہ کیا۔ اس موقع پر کمشنر نے امن و امان، سکیورٹی، صفائی ستھرائی شہری سہولتوں کی فراہمی اور دیگر انتظامات کا تفصیلی جائزہ لیا۔ اس موقع پر جعفریہ الائنس کے نائب صدر اور پاک محرم ایسوسی ایشن کے جنرل سیکریٹری سرور علی،صوبائی رہنما ایم ڈبلیوایم علامہ صادق جعفری ، ایس ایم نقی، علی حسین نقوی، ڈی آئی جی ٹریفک پیر محمد شاہ، ڈپٹی کمشنر جنوبی جاوید نبی کھوسہ، ڈپٹی کمشنر شرقی، ڈی آئی جی جنوبی اسد رضا، ڈی آئی جی شرقی فرخ علی، ڈائریکٹر پلاننگ نسیم بھٹو سالڈ ویسٹ مینجمنٹ بورڈ واٹر کارپوریشن اور جنوبی اور شرقی ٹاؤن میونسپل ایڈمنسٹریشنز کے میونسپل کمشنرز ان کے ہمراہ تھے۔
کمشنر کو متعلقہ افسران نے محرم الحرام کے دوران جلوسوں و مجالس کے موقع پر سیکورٹی اور شہری سہولتوں کی فراہمی کے انتظامات کے بارے میں تفصیلی بریفنگ دی۔ کمشنر کراچی نے متعلقہ افسران کو ہدایت دی کہ وہ اس موقع پر جلوس اور مجالس کے منتظمین کے ساتھ مضبوط رابطہ رکھیں اور فیلڈ میں رہیں، منتظمین کی مشاورت سے سہولتوں کی فراہمی کے انتظامات کریں۔ کمشنر کو بتایا گیا مرکزی جلوس سمیت جلوسوں جلوسوں کے روٹس پر جامع منصوبہ بندی کے تحت سیکورٹی کے تمام ضروری اقدامات کئے گئے ہیں، مطلوبہ تعداد میں کیمرے نصب کیے گئے ہیں جبکہ نگرانی کے لیے کنٹرول رومز قائم کیے گئے ہیں۔ ڈپٹی کمشنرز ڈی آئی جیز پولیس اور کے دفاتر میں کنٹرول قائم کئے جائیں گے۔۔
یہ بھی پڑھیں : ایرانی صدر ڈاکٹر مسعود پزشکیان کا ایک روزہ دورہ پاکستان، شاندار استقبال ، اعلیٰ پاکستانی قیادت سے ملاقات
اس موقع پر جلوسوں اور مجالس کے مقامات پر طبی سہولتوں کی فراہمی ٹھنڈے پانی کی سبیلوں اور ٹائلٹس اور پارکنگ کے انتظامات کر لئے گئے ہیں، ٹریفک کی روانی برقرار رکھنے کے لئے لئے خصوصی انتظامات کئے گئے ہیں، اس سلسلہ میں متبادل راستوں کا تعین کر لیا گیا۔ کمشنر نے کہا کہ متبادل راستوں کی تشہیر کی جائے۔ کمشنر کو بتایا گیا کہ محرم الحرام کے سلسلہ میں جلوسوں کے راستوں اور امام بارگاہوں اور مساجد کے اطراف صفائی ستھرائی سڑکوں کی ضروری مرمت سیوریج کی شکایت کے ازالے جلوسوں کے راستوں پر قائم تجاوزات کے خاتمہ اور اسٹریٹ لائٹس کی تنصیب کے کاموں کی تفصیلات سے آگاہ کیا گیا۔ بتایا گیا کہ بلدیہ عظمی سالڈ ویسٹ مینجمنٹ بورڈ واٹر کارپوریشن اور مختلف ٹاؤن ایڈمنسٹریشنز کے تعاون سے کیا گیا ہے۔
The post کمشنرکراچی سید حسن نقوی کا اعلیٰ حکام اور شیعہ رہنماؤں کے ہمراہ مرکزی جلوس عزا کے روٹ کا جائزہ appeared first on شیعہ نیوز پاکستان.
