شیعہ نیوز: مجلس وحدت مسلمین پاکستان کے سربراہ سینیٹرعلامہ راجہ ناصر عباس جعفری نے گلگت بلتستان کے انتخابات میں حصہ لینے والے اپنے امیدواروں کے نام جاری کر دیئے۔ ضلع گلگت ون کے حلقہ جی بی اے ون سے محمد الیاس صدیقی امیدوار ہوں گے۔ ضلع نگر ٹو حلقہ جی بی اے فائیو سے ریاض اکبر کو ٹکٹ دیا گیا ہے جبکہ ضلع سکردو ٹو جی بی اے 8 سے محمد کاظم میثم کو امیدوار نامزد کیا گیا ہے۔ اسی طرح ضلع سکردو تین سے حلقہ جی بی اے نائین سے وزیر اظہر مہدی، ضلع سکردو چار کے حلقہ جی بی اے دس سے مشتاق حکیمی اور ضلع شگر 12 کے حلقہ جی بی اے 12 سے محمد سعید شگری کو ٹکٹ دیا گیا ہے۔
یہ بھی پڑھیں : اسلامی تحریک پاکستان کی جانب سے گلگت بلتستان انتخابات کیلئے امیدواروں کی فہرست جاری
ضلع گانگچھے ون کے حلقہ جی بی اے 22 سے محمد اکرم خان اور ضلع گلگت ٹو کے حلقہ جی جی اے ٹو سے فرحت امان کو امیدوار نامزد کر دیا گیا ہے۔ علامہ راجہ ناصر عباس جعفری نے سیاسی کونسل (گلگت بلتستان) کی مشاورت سے تمام امیدواروں کو ٹکٹ جاری کئے ہیں جبکہ دیگر حلقوں میں ایم ڈبلیو ایم پاکستان تحریک انصاف کے امیدواروں کو سپورٹ کرے گی جبکہ مذکورہ حلقوں میں تحریک انصاف نے اپنا امیدوار کھڑا کرنے کی بجائے ایم ڈبلیو ایم کو سپورٹ کرنے کا اعلان کیا ہے۔
The post گلگت بلتستان الیکشن، ایم ڈبلیوایم کی جانب سے 8 حلقوں سے امیدواروں کا اعلان appeared first on شیعہ نیوز پاکستان.
