شیعہ نیوز: سربراہ شیعہ علماءکونسل پاکستان سید ساجد علی نقوی سے استحکامِ پاکستان پارٹی کے مرکزی صدر و وفاقی وزیرِ مواصلات عبد العلیم خان نے اُن کی رہائش گاہ پر ملاقات کی۔
اس موقع پر دونوں رہنماؤں کے درمیان ملکی سیاسی صورتحال اور گلگت بلتستان کے آمدہ انتخابات کے سلسلے میں اہم امور پر تبادلہ خیال کیا گیا۔
آئی پی پی کے وفد نے علامہ ساجد علی نقوی کو جی بی انتخابات میں سیٹ ایڈجسٹمنٹ کی دعوت دی اور مل کر الیکشن میں حصہ لینے کی خواہش کا اظہار کیا۔
علامہ ساجد نقوی نے علیم خان کی آفر پر تنظیمی فورم پر مشاورت کے بعد حتمی فیصلے سے آگاہ کرنے کا کہا اور باہمی روابط جاری رکھنے پر اتفاق ہوا۔
یہ بھی پڑھیں : آذان میں علی ً ولی اللہ کہنا جرم بن گیا، ابن ملجم کی اولاد کابزرگ مؤذن پر حملہ
ملاقات میں اسلامی تحریک پاکستان کے مرکزی سیکریٹری جنرل ڈاکٹر علامہ شبیر حسن میثمی، مرکزی نائب صدر علامہ عارف حسین واحدی، مرکزی سیکریٹری اطلاعات زاہد علی اخونزادہ، مرکزی ڈپٹی سیکریٹری جنرل سکندر عباس گیلانی ایڈووکیٹ جبکہ استحکام پاکستان پارٹی کے مرکزی سیکریٹری جنرل میاں خالد محمود، صوبائی صدر پنجاب رانا نذیر احمد خان، صوبائی سیکریٹری جنرل پنجاب شعیب صدیقی اور جنرل سیکریٹری ضلع لاہور رانا جاوید اقبال شریک تھے۔
The post گلگت بلتستان انتخابات ، سربراہ استحکام پاکستان پارٹی علیم خان کی علامہ ساجد علی نقوی سے ملاقات appeared first on شیعہ نیوز پاکستان.
