شیعہ نیوز: شکارپور: ضلع شکارپور کی تحصیل گڑھی یاسین کے قریب بڈو کے علاقے میں ایک افسوسناک حادثہ پیش آیا، جہاں علمِ پاک بلند کرنے کے دوران وہ 11 ہزار وولٹ کی ہائی وولٹیج بجلی کی تار سے ٹکرا گیا۔
ابتدائی اطلاعات کے مطابق حادثے کے نتیجے میں 7 عزادار موقع پر شہید ہوگئے، جبکہ 5 افراد زخمی ہوئے ہیں۔ واقعے کے بعد علاقے میں کہرام مچ گیا اور امدادی کارروائیاں فوری طور پر شروع کر دی گئیں۔
ریسکیو ٹیموں اور مقامی افراد نے زخمیوں کو فوری طور پر قریبی اسپتال منتقل کیا، جہاں انہیں طبی امداد فراہم کی جا رہی ہے۔ ذرائع کے مطابق بعض زخمیوں کی حالت تشویشناک بتائی جا رہی ہے۔
یہ بھی پڑھیں : گھوٹکی/اباوڑو: جلوسِ عزا پر حملے کے بعد سیکیورٹی انتظامات پر سوالات
واقعے کی اطلاع ملتے ہی مقامی انتظامیہ، پولیس اور متعلقہ حکام موقع پر پہنچ گئے اور حادثے کی تحقیقات کا آغاز کر دیا گیا ہے۔
The post گڑھی یاسین کے قریب علمِ پاک ہائی وولٹیج تار سے ٹکرا گیا، 7 عزادار شہید ، 5 زخمی appeared first on شیعہ نیوز پاکستان.
