شیعہ نیوز: شہر قائد کے جیل حکام نے کوکین کوئن انمول عرف پنکی کو ہائی پروفائل ملزمہ اور سٹی کورٹ میں پیش کرنا عوام کیلئے خطرہ قرار دے دیا۔
تفصیلات کے مطابق جیل حکام نے منشیات ڈیلر انمول عرف پنکی کی عدالت میں پیشی کو عوام کیلئے بھی خطرہ قرار دیدیا۔
جیل حکام نے عدالت میں اطلاعی رپورٹ جمع کرائی ہے، جس میں 18 مقدمات میں ویڈیو لنک پر پیش کرنے کی اجازت مانگی گئی ہے۔
رپورٹ کے مطابق کوکین کوئین انمول عرف پنکی ہائی پروفائل ملزمہ ہے، ملزمہ کو سٹی کورٹ میں پیش کرنا سیکیورٹی رسک ہے، ملزمہ کی پیشی پر ناخوشگوار حادثہ رونما ہوا تو عام سائلین بھی متاثر ہو سکتے ہیں۔
جیل حکام کی جانب سے استدعا کی گئی کہ ملزمہ کو وومن سینٹرل جیل سے ویڈیو لنک پیشی کی اجازت دی جائے۔
واضح رہے کہ جوڈیشل مجسٹریٹ نے انمول عرف پنکی کیلئے وومن جیل انتظامیہ ملزمہ کو 25 مئی کوپیش کرنے کا حکم دیا تھا۔
پولیس کے مطابق ملزمہ قتل اور غیرقانونی اسلحہ سمیت منشیات کے 18 مقدمات میں عدالتی ریمانڈ پر ہے۔
ملزمہ کیخلاف گارڈن، بغدادی، درخشان، ڈیفنس، گذری، سچل اور ایس آئی یو سینٹرل میں مقدمات درج ہیں۔
The post ہائی پروفائل ملزمہ کوکین کوئن انمول پنکی کی عدالت میں پیشی عوام کیلئے خطرہ قرار appeared first on شیعہ نیوز پاکستان.
