شیعہ نیوز: یمن کی وزارت خارجہ نے کہا ہے کہ ہمارے پاس متعدد آپشنز موجود ہیں اور میدان جنگ میں اتحاد کے اصول کے تحت ایران کی حمایت جاری رکھیں گے۔
رپورٹ کے مطابق یمن کی وزارت خارجہ نے ایک بیان میں ایران کے خلاف امریکی اسرائیلی جارحیت کی مذمت کرتے ہوئے کہا ہے کہ یہ حملوں کے مقاصد حاصل نہیں ہوں گے۔
بیان میں کہا گیا ہے کہ ہم ایران کے اپنے دفاع کے مکمل حق اور امریکی مفادات کو نشانہ بنانے کے حق پر تاکید کرتے ہیں۔ ایران کے خلاف جارحیت کا تسلسل حملہ آوروں اور عالمی معیشت دونوں کو نقصان پہنچائے گا۔
یہ بھی پڑھیں : ہمارے تین سرحدی مراکز اور ایک بحری تنصیب کو نشانہ بنایا گیا، کویت
وزارت خارجہ نے مزید کہا کہ یمن میدان جنگ میں اتحاد کے اصول کے تحت ایران کے ساتھ کھڑا ہے اور موجودہ صورت حال کے حوالے سے مسلسل رابطہ اور ہم آہنگی جاری ہے۔ ہمارے پاس متعدد آپشنز موجود ہیں جنہیں ضرورت پڑنے پر استعمال کیا جائے گا۔
رپورٹ کے مطابق، ایران کے خلاف امریکہ کی نئی جارحیت کے بعد، اسلامی جمہوری ایران کی فوج کے شعبہ تعلقات عامہ نے بھی خطے میں امریکی اڈوں پر ڈرون حملوں کی نئی لہر کی اطلاع دی ہے۔
فوج کے جاری کردہ بیان میں کہا گیا ہے کہ جنوبی علاقوں پر امریکی جارحیت کے جواب میں اسلامی جمہوریہ ایران کی فوج نے اپنے خودکش ڈرونز کے ذریعے کویت میں امریکی فوج کے پیٹریاٹ نظام، گولہ بارود کے گودام اور ریڈار سائٹ کو نشانہ بنایا۔
بیان کے مطابق، ایرانی فوج کے ڈرون حملوں کی ایک اور لہر میں بحرین میں امریکی فوج کے مواصلاتی نظام اور ریڈار سائٹ کو بھی نشانہ بنایا گیا۔
ایرانی فوج نے خبردار کیا کہ اس طرح کے اقدامات اور خطے میں پیدا ہونے والی بدامنی کے نتائج کی ذمہ داری امریکی صہیونی دشمن پر ہوگی اور اگر دوبارہ حملے کیے گئے تو اس کا مزید سخت جواب دیا جائے گا۔
The post ہمارے پاس متعدد آپشنز موجود ہیں، ہم ایران کے ساتھ کھڑے ہیں، یمن appeared first on شیعہ نیوز پاکستان.
