شیعہ نیوز: ایران کے نائب وزير دفاع اور ترجمان نے خود مختار ممالک خاص طور پر شنگھائی تعاون تنظیم کے رکن ممالک کے ساتھ اپنی دفاعی اور ہتھیاروں کی صلاحیتوں کو بانٹنے پر زور دیتے ہوئے کہا ہے کہ ہم امریکہ کو شکست دینے کے اپنے تجربات تنظیم کے دیگر اراکین کو فراہم کرنے کے لیے تیار ہیں۔
بریگیڈيئر رضا طلائی نیک نے منگل کے روز قرقیزستان پہنچنے پر اپنے ایک بیان مسلح افواج کی طاقت اور ایرانی عوام کی بین الاقوامی سطح پر مثالی مزاحمت کے جاری رہنے کی اہمیت پر زور دیا اور کہا کہ شنگھائی تعاون تنظیم، اپنی اہمیت اور وسیع جغرافیا و آبادی کے پیشن نظر اس بات کا ثبوت ہے کہ یہ تنظیم یک قطبی نظام سے کثیر قطبی نظام کی سمت بڑھنے کی خواہش مند ہے۔
انہوں نے بیشکک پہنچنے پر قرقیزستان، روس، پاکستان اور بیلاروس کے وزرائے دفاع سے الگ الگ ملاقاتوں میں کہا کہ یہ ممالک شنگھائی تعاون تنظیم کے اہم اور بااثر اراکین ہیں۔
یہ بھی پڑھیں : پاکستان: اسرائیل کی جارحیتیں علاقے ميں قیام امن کی کوششوں کوسبوتاژ کررہی ہیں
انہوں نے زور دیا ہے کہ امریکہ اب اس مقام پر نہیں ہے کہ وہ خود مختار ملکوں پر اپنی پالیسی مسلط کر سکے اور یہ حقیقت ایران کے عوام اور مسلح افواج کی استقامت سے پوری دنیا پر عیاں ہو چکی ہے اور امریکہ کو یہ تسلیم کرنا ہو گا کہ اسے اپنے غیر قانونی اور غیر منطقی مطالبات ترک کرنے ہوں گے۔
بریگیڈيئر طلائی نیک نے ایران کی مسلح افواج کی مکمل آمادگی کا ذکر کرتے ہوئے کہا کہ آج ایران ایک طرف طاقتور دفاع اور مسلح افواج کی ضروریات پوری کرنے کے لیے تیار ہے، تو دوسری طرف خود مختار ممالک، خاص طور پر شنگھائی تعاون تنظیم کے رکن ممالک کے ساتھ دفاع اور ہتھیاروں کے شعبے میں اپنی صلاحیتوں کے سلسلے میں تعاون پر تیار ہے اور ہم امریکہ کو شکست دینے کے اپنے تجربات تنظیم کے دیگر اراکین تک منتقل کر سکتے ہيں۔
The post ہم امریکہ کو شکست دینے کے اپنے تجربات شنگھائی تعاون تنظیم کو دینے پر تیار ہیں، نائب وزیر دفاع appeared first on شیعہ نیوز پاکستان.
