شیعہ نیوز: ایران کے آرمی چیف میجر جنرل امیر حاتمی نے کہا ہے کہ ہم دشمن کی نقل و حرکت پر کڑی نظر رکھے ہوئے ہیں اور کسی بھی اقدام کا فیصلہ کن جواب دینے کے لیے تیار ہیں۔
رپورٹ کے مطابق آرمی ایئر فورس ڈے کے موقع پر فضائيہ کے افسروں اور جوانوں سے خطاب کرتے ہوئے میجر جنرل امیر حاتمی فضائيہ کے انقلاب میں شامل ہونے کے تاریخ ساز فیصلہ کا ذکر کرتے ہوئے کہا کہ ایرانی فضائيہ نے اس مخصوص وقت اور مبہم حالات میں ایک خدائي فیصلہ کیا تھا اور آج تک اس وعدے پر قائم ہے۔
انہوں نے مزید کہا 12 روزہ مسلط کردہ جنگ میں ایرانی فضائيہ نے تمام مشن جوش اور حوصلے کے ساتھ انجام دیے یہاں تک کہ مسلح افواج کی زبردست مزاحمت کے ساتھ دشمن نے ہتھیار ڈال دیے اور آخر کار جنگ بندی پر مجبور ہوگیا۔
یہ بھی پڑھیں : صیہونی حکومت کے اثر و رسوخ کا مقابلہ کرنے کے لیے افریقہ میں مصر متحرک
میجر جنرل حاتمی نے دشمنوں کو مخاطب کرتے ہوئے دو ٹوک الفاظ میں کہا کہ ہمیں امید ہے کہ دشمن کوئی نئی غلطی نہیں کرے گا اور اگر اس نے ایسا کیا تو یقیناً ہماری مسلح افواج دشمن کو منہ توڑ جواب دیں گی۔
خطے میں امریکی بحری جہازوں کی موجودگی کے بارے میں انہوں نے کہا کہ یہ ہمارے لیے کوئی نئی بات نہیں ہے، انقلاب اسلامی کی فتح کے بعد سے متعدد بار دشمن کی بحری نقل و حرکت کا مشاہدہ کرتے آئے ہیں۔
آرمی چیف نے کہاکہ ہم مکمل تیاری کی حالت میں ہے اور دشمن کی نقل و حرکت پر گہری نظر رکھے ہوئے اور اگر اس نے غلطی کی فیصلہ کن جواب دییں گے۔
The post ہم دشمن کی نقل و حرکت پر کڑی نظر رکھے ہوئے ہیں, جنرل امیر حاتمی appeared first on شیعہ نیوز پاکستان.
