شیعہ نیوز: ایران کی پارلیمنٹ مجلس شورائے اسلام کے اسپیکر باقر قالیباف نے کہا ہے کہ سفارتی محاذ کے سپاہی دشمن کی باتوں اور وعدوں پر بھروسہ نہیں کرتے۔
محمد باقر قالیباف نے کہا کہ ہمارا معیار ٹھوس نتائج ہیں جو ہمیں حاصل کرنے ہیں تاکہ ان کے بدلے ہم اپنی ذمہ داریاں پوری کریں اور جب تک ہمیں یقین اس بات پر یقین نہيں ہوگا کہ ہم نے ایرانی قوم کے حقوق حاصل کر لیے ہیں تب تک ہم کسی بھی معاہدے کی توثیق نہیں کریں گے۔
یہ بھی پڑھیں : شام: درعا میں صیہونی فوجیوں کی در اندازی، مقامی لوگوں میں تشویش
محمد باقر قالیباف نے اتوار کی صبح کہا کہ ہم بارہویں پارلیمنٹ کا تیسرا سال ایسے حالات میں شروع کر رہے ہیں کہ جب امت کے شہید رہبر، آیت اللہ العظمیٰ سید علی خامنہ ای رحمت اللہ علیہ کی یاد ہمارے ساتھ ہے اور ہمیں ابھی تک اس عظیم الشان رہبر اور امت کے پدر فقدان کا یقین نہیں ہوا۔ وہ فقیہ جنہوں نے اپنی حکیمانہ ، مدبرانہ و مقتدرانہ قیادت کے ذریعے انقلاب اسلامی کی 37 سالہ رہنمائی کے دوران ایک مضبوط، آزاد اور طاقتور ایران کی بنیاد رکھی اور ہمیں سکھایا کہ ہم زور زبردستی اور دھمکی کے آگے ذرہ برابر بھی سر نہ جھکائیں اور دشمن کے مقابلے میں بند مٹھی کے ساتھ خون کے آخری قطرہ تک لڑیں۔
پارلیمنٹ کے اسپیکر قالیباف نے کہا کہ فوجی میدان میں اور ہمارے میزائلوں سے جو کچھ حاصل ہوا ہے وہ عوام کی حمایت اور پشت پناہی سے ممکن ہوا ہے اور سفارت کاری کا کام ان فتوحات کو سیاسی اور قانونی نتائج میں تبدیل کرنا ہے ۔
انہوں نے مزید کہا کہ اس راستے میں، جیسا کہ میں نے کئی بار کہا ہے، سفارتی محاذ کے سپاہی دشمن کی باتوں اور وعدوں پر کوئی بھروسہ نہیں کرتے۔ ہمارے لیے معیار وہ ٹھوس نتائج ہیں جو ہمیں حاصل کرنے ہیں تاکہ ان کے بدلے ہم اپنی ذمہ داریاں پوری کریں اور جب تک ہمیں یہ یقین نہ ہوگا کہ ہم نے ایرانی قوم کے حقوق حاصل کر لیے ہیں تب تک ہم کسی بھی معاہدے کی توثیق نہیں کریں گے۔
اسپیکر قالیباف نے اپنی تقریر کے آخر میں کہا کہ ہماری جانیں ہماری ہتھیلی پر ہيں تاکہ اسے ایرانی عوام پر نثار کر دیں۔
The post ہم دشمن کے وعدوں پر بھروسہ نہیں کرتے، محمد باقر قالیباف appeared first on شیعہ نیوز پاکستان.
