شیعہ نیوز: خیبر پختونخوا کے ضلع ہنگو میں بدھ کو رات گئے پولیس چیک پوسٹ پر دہشت گردوں کے حملے میں کم از کم 7 پولیس اہلکار شہید اور 8 مبینہ دہشت گرد ہلاک ہو گئے۔
ڈسٹرکٹ پولیس آفیسر (ڈی پی او) ہنگو طارق حبیب نے واقعے کی تصدیق کرتے ہوئے بتایا کہ حملے کے نتیجے میں مزید 22 پولیس اہلکار زخمی بھی ہوئے ہیں۔
ڈی پی او کے مطابق واقعے کے فوراً بعد علاقے میں سیکورٹی فورسز کی جانب سے کلیئرنس آپریشن شروع کر دیا گیا ہے۔
یہ بھی پڑھیں :ایرانی بحری جہاز پر یوکرین کا حملہ دہشت گردانہ اقدام تھا، روسی وزارت خارجہ
ہنگو سے نمائندہ جنگ کے مطابق ہنگو کے علاقے خزینہ بانڈہ پولیس چیک پوسٹ پر دہشتگردوں کے حملے میں ڈی ایس پی دیار خان بھی شہید اور20 اہلکار زخمی ہو گئے، پولیس کی جوابی کاروائی میں کئی حملہ آور ہلاک ہوگئے ، خزینہ بانڈہ پولیس چیک پوسٹ پر بھاری ہتھیاروں اور کواڈ کاپٹر ڈرون سے حملہ کیا گیا ، کئی گھنٹوں تک شدید فائرنگ کا تبادلہ جاری رہا ، دہشت گردوں نے ڈی پی او ہنگو اور کیو آر ایف کی گاڑی کو بھی نشانہ بنایا۔
The post ہنگو ; پولیس چیک پوسٹ پر سپاہ صحابہ طالبان کا حملہ، 7 اہلکار شہید، 8 دہشت گرد جہنم واصل appeared first on شیعہ نیوز پاکستان.
