شیعہ نیوز: یمنی مسلح افواج نے بیلسٹک میزائل سے ریاض کے شاہ خالد بین الاقوامی ہوائی اڈے کو نشانہ بنایا، جبکہ ایک الگ کارروائی میں سعودی فورسز کے اجتماع پر تین بیلسٹک میزائل داغے گئے۔
رپورٹ کے مطابق یمنی مسلح افواج نے ایک بیان میں کہا ہے کہ انہوں نے خدا کی مدد سے ایک بیلسٹک میزائل کے ذریعے ریاض میں واقع شاہ خالد بین الاقوامی ہوائی اڈے کو نشانہ بنایا اور میزائل نے اپنے ہدف کو درست نشانہ بنایا۔
یہ بھی پڑھیں : 2 ہزار 5 سو کنٹینروں سے لدھا بحری جہاز آبنائے ہرمز میں غرق
یمنی مسلح افواج کے بیان میں مزید کہا گیا ہے کہ ایک دوسری کارروائی کے دوران تین بیلسٹک میزائلوں کے ذریعے سعودی دشمن فورسز کے اجتماع کو نشانہ بنایا گیا۔
یہ کارروائی رأس العارہ اور المضاربہ کے علاقوں میں کی گئی۔
بیان کے مطابق، ان علاقوں میں سعودی فورسز کے اجتماع کو نشانہ بنانے کے نتیجے میں بڑی تعداد میں ہلاکتیں اور زخمی ہونے کی اطلاعات ہیں، جبکہ ان کی متعدد فوجی گاڑیاں بھی ناکارہ ہوگئیں۔
The post یمنی افواج کا ریاض کے شاہ خالد بین الاقوامی ہوائی اڈے پر بیلسٹک میزائلوں سے حملہ appeared first on شیعہ نیوز پاکستان.
