شیعہ نیوز: سعودی افواج کی عتق میں داخلے اور اسٹریٹجک مرہ فوجی اڈے پر قبضے کو جنوبی یمن میں حالیہ سعودی۔امارات کشیدگی کے تناظر میں اہم قرار دیا جارہا ہے۔
رپورٹ کے مطابق یمن میں سعودی عرب اور متحدہ عرب امارات کے درمیان بڑھتی ہوئی کشیدگی نے نیا رخ اختیار کرلیا ہے۔
یمنی ذرائع کے مطابق سعودی افواج صوبہ شبوہ کے دارالحکومت عتق میں داخل ہوگئی ہیں اور مغربی عتق میں واقع اہم فوجی اڈے مرہ کا کنٹرول سنبھال لیا ہے، جو پہلے ابوظہبی کے حمایت یافتہ عناصر کے پاس تھا۔
یہ بھی پڑھیں : شہداء نے قربانی دے کر دشمن کے عزائم ناکام بنادیے، شیخ نعیم قاسم
یاد رہے کہ جنوبی یمن میں اثر و رسوخ کے معاملے پر دونوں خلیجی اتحادیوں کے درمیان اختلافات نمایاں ہورہے ہیں۔ یہ اقدام حالیہ تناؤ کے بعد جنوبی صوبوں میں اپنا اثر دوبارہ مستحکم کرنے کی کوشش کا حصہ ہے۔
مرہ اڈہ یمن کے بڑے فوجی مراکز میں شمار ہوتا ہے اور اسے اسٹریٹجک اہمیت حاصل ہے۔ اس سے قبل یہاں امارات کے حمایت یافتہ علیحدگی پسند عناصر خصوصا جنوبی عبوری کونسل کے جنگجو تعینات تھے۔ صوبہ شبوہ تیل کی دولت اور دو اہم بندرگاہوں کی وجہ سے غیر معمولی جغرافیائی و معاشی اہمیت رکھتا ہے۔
The post یمنی صوبے شبوہ میں سعودی پیش قدمی، اماراتی اثر و رسوخ کو خطرہ appeared first on شیعہ نیوز پاکستان.
